Sport • 13 Qańtar, 2022

Álemdik dzıýdonyń damý barysy qalaı?

33 ret kórsetildi

Halyqaralyq dzıýdo federasııasy (IJF) 2021 jyldyń qorytyndy reıtıngin jarııalady. Búgingi tańdaǵy álemniń eń úzdik 10 tatamı sheberleri qataryna Qazaqstannyń úsh birdeı óreni enip otyr. 60 kılo salmaqta beldesetin Ǵusman Qyrǵyzbaev 9-oryndy ıelense, Eldos Smetov odan bir satyǵa ǵana tómen tur.

 

Byltyr qos qandasymyz úshin de tabysty boldy. Atap aıtsaq, Ǵusman Býdapeshtte ótken álem chempıonatynda kúmis medaldy oljalasa, Eldos Tokıoda alaýy tutanǵan Olımpııa oıyn­darynda qola júldeni enshiledi. Desek te jerles­terimizdiń arasyndaǵy eń úzdik nátıje Jansaı Smaǵulovqa tıesili. 73 kılo salmaqta kúsh synasyp júrgen qazaq balýany 8-orynǵa turaqtady.

Al «Qazirgi kezde qaı memlekettiń qar­qyny kúshti?» degen saýlǵa keler bolsaq, eń birinshi kezekte Reseı men Grýzııa dzıýdoshylaryn atap ótken jón. Búginde reseılikter arasynan 100 kılo salmaqtaǵy Arman Adamıan men +100 kılo salmaqtaǵy Tamerlan Ba­shaev aldyna jan salmasa, grýzııalyqtar qata­­rynda 73 kılo salmaqtaǵy Lasha Shav­datýashvılı men 81 kılo salmaqtaǵy Tato Grı­galashvılı shashalaryna shań juq­tyra­tyn emes. Sondaı-aq álemdik reıtıngte kósh bas­tap turǵandar qatarynda taıpeılik Iаng Iýn Veı (60 kılo), koreıalyq An Baýl (66 kılo) jáne ózbekstandyq Davlat Bobonov (90 kılo) bar.

«TOP-10» dzıýdoshylardyń tizimine zer sal­­saq ta, joǵaryda atalǵan qos eldiń óren­deri­niń ózge­lerden kóshi ilgeri ekenin ańǵarý qı­yn emes. Re­seıde Arman Adamıan men Tamer­lan Ba­shaevtan bólek, Iаgo Abýlazde (60 kılo, 2-oryn), Inal Tasoev (+100 kılo, 3-oryn), Ra­ma­­zan Ab­dollaev (60 kılo, 7-oryn), Iаkýb Sha­mı­­lov (66 kılo, 8-oryn), Alan Hýbesov (81 kılo, 8-oryn) jáne Mahatbek Mah­matbekov (73 kılo, 10-oryn) pen Mıhaıl Igol­nıkov (90 kılo, 10-oryn) ozyq ondyqtyń sanatyn­da. Grý­z­ııada Lasha Shavdatýashvılı men Tato Grı­ga­lash­vılıden bólek, Vaja Margvelashvılı (66 kılo, 2-oryn), Lasha Bekaýrı (90 kılo, 4-oryn), Var­lam Lapertelıanı (100 kılo, 4-oryn), Gela Zaa­lıshvılı (+100 kılo, 4-oryn), Gýram Týshısh­vılı (+100 kılo, 6-oryn), Beka Gvı­nıashvılı (90 kılo, 9-oryn) jáne Ilııa Sýl­manıdze (100 kılo, 9-oryn) sol mejeden kó­rindi. Iаǵnı árqaısysynyń 9 ókili úzdikter sana­tynda.

Japonııa quramasynyń da qarqyny jaman emes. Kúnshyǵys eliniń birde-bir ókili álemdik reıtıngte kósh bastamaǵanymen, esesine jeteýi «TOP-10» balýannyń qatarynda. Olar – Nao­hısa Takato (60 kılo, 3-oryn), Hıfýmı Abe (66 kılo, 4-oryn), Kokoro Kageýra (+100 kılo, 5-oryn), Aaron Volf (100 kılo, 7-oryn), Ken­ta Na­gasava (90 kılo, 9-oryn), Soıshı Hashı­mo­to (73 kılo, 6-oryn) jáne Shoheı Ono (73 kılo, 9-oryn).

Árıne, olardyń bul tabysyna esh tańdanýǵa bolmaıdy. Sebebi bul memleketterdiń dzıýdo­shylarynyń barlyǵy da halyqaralyq arenalarda tabysty óner kórsetip júr. Máse­len, byltyr Tokıo Olımpıadasynda ja­pon jigitteri 5 altyn alyp, jergilikti jankúıer­ler­di qýanysh pen shattyqqa bóledi. Alaqandaı Gúrji eliniń qyrandary 1 altyn men 3 kúmisti qan­jyǵalaryna baılasa, reseılikter eki qolany qorjynǵa saldy.

Olımpııa oıyndarynyń aldynda ǵana jalaýy jelbiregen Býdapeshttegi álem chem­pıo­natyndaǵy atalǵan komandalardyń kór­setkishteri mynadaı: Japonııa – 2 altyn men 1 qola; Grýzııa – 1 altyn, 1 kúmis jáne 2 qola; Reseı – 1 altyn, 1 kúmis jáne 1 qola.

Sondaı-aq álemdik reıtıngtiń úzdik ondy­ǵyna myna elderdiń tatamı sheberleri enip otyr: Belgııa, Ázerbaıjan, О́zbekstan – 4, Qazaqstan, Ońtústik Koreıa, Mońǵolııa – 3, Fransııa, Moldova, Italııa, Shvesııa, Nıder­land – 2, Taıpeı, Belarýs, Túrkııa, Aýstrııa, Ispanııa, Majarstan, Germanııa, Portýgalııa, Kanada, Izraıl, Brazılııa, Chehııa, Tájikstan jáne Ýkraına – 1.

Qazaqstan qurama komandasy músheleriniń úsheýi «TOP-10» dzıýdoshy qatarynda ekenin joǵaryda aıttyq. О́kinishke qaraı, ózge jer­lesterimiz óz jankúıerlerin óreli óneri­men qýanta almaı júr. Máselen, osy kúnge deıin tatamıge shyǵyp júrgender arasynan Islam Bozbaev (90 kılo) – 18, Erlan Serikjanov (66 kılo) – 22, Dıdar Hamza (81 kılo) – 32, Er­asyl Qajybaev (+100 kılo) – 33 jáne Aıbek Serikbaı 64-oryndardy qanaǵat tutýda.

Respýblıkalyq federasııanyń basshylary men ulttyq qurama bapkerleri aldaǵy ýaqytta osy máselege basa nazar aýdarady dep úmit­tene­­miz.

Sońǵy jańalyqtar

Tozaq qaqpasy

Rýhanııat • Keshe

Eskilik pen estilik

Ádebıet • Keshe

Polısııa: Kadr hám qadir

Qazaqstan • Keshe

Máńgilik saıahatshylar

О́ner • Keshe

Uqsas jańalyqtar