Qarýsyzdaný – jahandyq qaýiptiń aldyn alý

QK Joǵary segment qaty­sýshylarynyń aldynda sóılegen sózinde E.Ashyqbaev QK jumysy baǵdarlamasynyń sheńberinde Qazaqstan úshin tórt basym ba­ǵytqa: barlyǵyna ortaq ıadro­lyq qarýsyzdaný, áskerı maq­sat­ta bólshektemeli materıaldy óndirýge tyıym salatyn keli­sim­di ja­saý jáne qol qoıý, ǵa­rysh­ta qa­rýlaný jarysyna jol ber­meý já­ne ıadrosyz elderge qaýip­sizdiktiń keri kepiline nazar aýdardy.

Bul rette Qazaqstan syrtqy saıasat vedomstvosy basshysynyń orynbasary Iаdrolyq synaqtarǵa tolyq tyıym salý týraly kelisimdi álemniń barlyq elderiniń moıyndaýy ıadrolyq qarýsyzdanýdyń mańyzdy sharttarynyń biri bolyp tabylatynyn atap ótti. Bul oraıda 2009 jyly BUU Bas As­sambleıasynyń 29 tamyzdy Iаd­rolyq synaqtarǵa qarsy halyq­ara­lyq is-qımyl kúni dep jarııa­la­ǵan qazaqstandyq qarardy qa­­byl­daýy atalǵan kelisimniń min­­det­terine tolyq sáıkes keletini atap kórsetildi.

E.Ashyqbaevtyń BUU-nyń Adam quqyqtary jónindegi Jo­ǵar­ǵy Komıssary N.Pılleımen, BUU-nyń Jenevadaǵy bólim­she­siniń bas dırektory mindetin atqarýshy M.Mıollermen, BUU baǵdarlamasynyń Eýropa úshin qorshaǵan orta jónindegi О́ńirlik ókili Iа.Dýsıkpen, Kóshi-qon jó­nindegi halyqaralyq uıymnyń bas dırektory Ý.L.Svıngpen, BUU Oqý jáne ǵylymı-zertteý ınstıtýtynyń atqarýshy dırektory S.Fegan-Ýaılspen jáne basqalarmen ekijaqty kezdesýleri ótti.