Qazaqstan • 14 Qańtar, 2022

17,5 myńnan astam etnıkalyq qazaq qandas mártebesin aldy

321 ret

kórsetildi

1 mın

oqý úshin

2021 jyldyń qorytyndysy boıynsha 17 540 etnıkalyq qazaq tarıhı otanyna oralyp, qandas mártebesin aldy. Jalpy 1991 jyldan beri respýblıkaǵa 1 mıllıon 87,8 myń etnıkalyq qazaq oraldy, dep jazady Egemen.kz QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

Dana MYRZAQADIR

17,5 myńnan astam etnıkalyq qazaq qandas mártebesin aldy

2021 jyly Qazaqstanǵa kelgen qandastardyń jartysynan astamy (76,2%) О́zbekstannan, 9,7% – QHR-dan, 6% – Túrikmenstannan, 2,6% – Mońǵolııadan jáne 5,7% – basqa elderden kelgen.

Kelgen etnıkalyq qazaqtar negizinen Almaty (28,5%), Mańǵystaý (19%), Túrkistan (13%) jáne Jambyl (7,8%) oblystaryna, sondaı-aq Shymkent (10,5%) qalasyna qonystandy.

Osy jylǵy 1 qańtardaǵy jaǵdaı boıynsha eńbekke qabiletti jastaǵy etnıkalyq qonys aýdarýshylar sany 55,2%-dy, eńbekke qabiletti jastan kishi 28%-dy jáne zeınetkerler 16,8%-dy quraıdy.

Eńbekke qabiletti jastaǵy qandastardyń ishinen bilim deńgeıi boıynsha 11,1%-ynyń joǵary bilimi, 40,1%-ynyń orta kásibı bilimi, 45,6%-ynyń jalpy orta bilimi bar jáne 3,1%-ynyń bilimi joq.