Memlekettik granttyq jobalar adam, balalar quqyqtaryn qorǵaý, genderlik teńdikti damytý, bilim berý, densaýlyq saqtaý, qorshaǵan orta jáne ulttyq birlikti ilgeriletý sııaqty qoǵamnyń áleýmettik, mádenı salalarynyń 12 baǵytyn qamtıdy.
Qazirgi ýaqytta Azamattyq bastamalardy qoldaý ortalyǵy úkimettik emes uıymdardan ótinishterdi qabyldap jatyr. Qujattardy qabyldaý 2022 jyldyń 7 aqpanyna deıin jalǵasady.
«О́tken jyldardaǵydaı biz shaǵyn granttar, ádistemelik, taldamalyq, uıymdastyrýshylyq kómek sııaqty quraldar arqyly ÚEU-ǵa, azamattyq bastamalarǵa jan-jaqty jáne kópbeıindi qoldaý kórsetýge baǵyttalǵan jumysty jalǵastyratyn bolamyz.
Eń bastysy, Ortalyq memlekettik jáne memlekettik emes qarajatpen jumys isteı otyryp, granttardy iske asyrýdyń ashyqtyǵy men eseptiligine basym nazar aýdaratyn bolady», dep málimdedi Azamattyq bastamalardy qoldaý ortalyǵy Basqarmasynyń tóraıymy Lıma Dıas.
Memlekettik granttardy usyný konkýrsyna qaýqarsyz dep tanylǵan (bankrot), múlki qamaýǵa alynyp, qarjylyq áreketi toqtatylǵan, taraý úderisinde turǵan ÚEU-dan ózge, granttardy alý úshin ótinim jasaǵan, ÚEU-dyń málimetter bazasynda málimetteri bar jáne konkýrsqa qatysýǵa Qaǵıdalarmen bekitilgen talaptarǵa sáıkes keletin ótinim usynǵan ÚEU qatysa alady.
