Úkimet • 14 Qańtar, 2022

Aıgúl Shaıymova vıse-mınıstr qyzmetinen bosatyldy

59 ret kórsetildi

Aıgúl Shaıymova ulttyq ekonomıka vıse-mınıstri qyzmetinen bosatyldy, dep habarlaıdy Egemen.kz.

«Úkimet qaýlysy boıynsha, Aıgúl Amantaıqyzy Shaıymova basqa qyzmetke aýysýyna baılanysty ulttyq ekonomıka vıse-mınıstri qyzmetinen bosatyldy», delingen premer-mınıstrdiń baspasóz qyzmeti habarlamasynda.

Aıgúl Shaıymova ulttyq ekonomıka vıse-mınıstri qyzmetine 2020 jyly shildede taǵaıyndalǵan.

Aıgúl Shaıymova 1979 jyly Selınograd oblysynyń Marınovka aýylynda dúnıege kelgen. Gýmılev atyndaǵy Eýrazııa ýnıversıtetin, Qarjy polısııasy akademııasyn, RF Prezıdenti janyndaǵy Reseı halyq sharýashylyǵy jáne memlekettik qyzmet akademııasyn támamdaǵan. 

Ár jyldary QR Qarjy polısııasy agenttiginde, Ekonomıkalyq qylmysqa jáne syıbaılas jemqorlyqqa qarsy kúres agenttiginde, QR Bas prokýratýrasynda jumys istedi. 

2013-2014 jyldary Qazaqstan Respýblıkasy Qaýipsizdik Keńesiniń Sıtýasııalyq ortalyǵy meńgerýshisiniń orynbasary qyzmetin atqardy.

2014-2016 jyldary - Qazaqstan Respýblıkasy Memlekettik qyzmet isteri jáne sybaılas jemqorlyqpen kúres agenttiginiń apparat jetekshisi. 

2016 jyly - Qazaqstan Respýblıkasy Memlekettik qyzmet isteri vıse-mınıstri.

2016 jylǵy qyrkúıek aıynan bastap 2019 jylǵy shildege deıin Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary qyzmetin atqardy. 

2019 jylǵy shildeden bastap Mádına Serikqyzy Júnisbekovanyń oqý demalysy kezeńinde Qazaqstan Respýblıkasy ulttyq ekonomıka vıse-mınıstri qyzmetin atqardy.

 

 

Sońǵy jańalyqtar

Tozaq qaqpasy

Rýhanııat • Keshe

Eskilik pen estilik

Ádebıet • Keshe

Polısııa: Kadr hám qadir

Qazaqstan • Keshe

Máńgilik saıahatshylar

О́ner • Keshe

Uqsas jańalyqtar