Prezıdent • 15 Qańtar, 2022

Qasym-Jomart Toqaev kúshtik qurylymdardyń basshylarymen keńes ótkizdi

118 ret kórsetildi

Memleket basshysy Qasym-Jomart Toqaevtyń tóraǵalyǵymen ókiletti organdar basshylarynyń keńesi ótti, dep jazady Egemen.kz Aqordaǵa silteme jasap.

Jıynǵa Bas prokýratýranyń, Ulttyq qaýipsizdik komıtetiniń, Qorǵanys jáne Ishki ister mınıstrlikteriniń birinshi  basshylary,  sondaı-aq Prezıdent Ákimshiliginiń basshylyǵy men Qaýipsizdik Keńesiniń Apparaty qatysty.

Memleket basshysyna qańtar aıynyń birinshi onkúndiginde elimizdiń birqatar óńirinde bolǵan oqıǵalar boıynsha sotqa deıingi aldyn ala tergeý amaldarynyń barysy, sondaı-aq arnaıy júrgizilgen operasııalardyń nátıjeleri, elimizde qoǵamdyq qaýipsizdik pen quqyqtyq tártipti qamtamasyz etý sharalary týraly baıandaldy.

Keńes qorytyndysy boıynsha Qasym-Jomart Toqaev birqatar naqty tapsyrmalar berdi.  Qazaqstanda, sonyń ishinde Almatyda bolǵan qaıǵyly jaǵdaılardy jan-jaqty zertteý máselesine, qaza bolǵan beıbit turǵyndardyń naqty sanyn anyqtaýǵa, qıyn-qystaý kezderde kúshtik qurylymdardyń is-qımyldaryn úılestirýdiń jańa normatıvtik bazasyn ázirleýge basa mán berildi.

Qasym-Jomart Toqaev Qaýipsizdik Keńesiniń hatshysyna Arnaýly operasııalar kúshterin jasaqtaý jumystaryn jedeldetýdi jáne ulttyq qaýipsizdik júıesin qaıta qurý jóninde naqty usynys berýdi tapsyrdy.

Prezıdent lańkestikke qarsy operasııalar men tergeý sharalaryn júrgizý barysynda azamattar quqyǵynyń buzylýyna jol bermeýdiń mańyzdy ekenin aıtty.

Sońǵy jańalyqtar

Oraz Jandosov jańa qyzmetke taǵaıyndaldy

Taǵaıyndaý • Búgin, 14:10

Aldaǵy kúnderi aýa raıy qandaı bolady

Aýa raıy • Búgin, 11:35

Búgingi valıýta baǵamy

Qarjy • Búgin, 09:32

Elimizdiń birqatar oblysynda úsik júredi

Aýa raıy • Búgin, 09:18

Arǵymaqtar alamany

Aımaqtar • Búgin, 08:42

Azııanyń úzdigi dep tanyldy

Sport • Búgin, 08:40

Uqsas jańalyqtar