Alyptar qatary tolyǵýda

Aqmola oblysynda 2014 jyly 93 mıllıard teńgeniń 11 nysany ındýstrııalandyrý kartasyna enip otyr. Aýqymdy jumystyń oıdaǵydaı oryndalatynyna negiz de joq emes. О́tken jyly óńirde 9 nysan qatarǵa qosylyp, 433 turaqty jumys orny quryldy. Al, bıyl onyń sany tórt myńǵa jetkizilmek. Onyń ústine jańa jobalardyń basym bóligi jo­ǵary qosymsha qundy eseleýge baǵyttalatyny nazar salar­lyq úrdis dep bilemiz. Bular­dyń qataryna Stepnogor qala­syndaǵy kúkirt qyshqyly zaýytyn, Selınograd aýdanyndaǵy transformator jáne emýlsııa matrısalary zaýyttaryn, Shortandy aýdanyndaǵy polıetılen ónimderi kásipornyn qosýǵa bolady. Al, Ereımentaý aýdanynda qýattylyǵy 45 MVt jel elektr stansasy paıdalanýǵa beriledi dep kútilýde. Indýstrııalyq sektorǵa qosymsha qýattar engizý esebinen óndiris kólemi 100,2 paıyzǵa ósip otyr. Munda júk avtokólikterin shyǵarýdy 1,5 esege arttyrǵan «KamAZ-Injınırıng» AQ, astyq kombaındaryn daıyndyq sapyna qoıýdy 8 ese ósirgen «Vektor» zaýytynyń, arnaıy tehnıkalar daıyndaýdy 3 esege kóbeıtken «KAIK» JShS men keramıkalyq kirpish óndirýdi 27 paıyzdan asyrǵan «ENKI» JShS jáne Stepnogordaǵy «Arystan» polıetılen qubyrlary zaýy­tynyń úlesi salmaqty. Sondaı-aq, «SP «SARECO», «Astana Oıl» Munaı úıi», «KZ Taý-kólik kompanııasy», «Ak Su Steel» JShS sııaqty jańa kásiporyndar ekpindi isimen alyptar sapyna qosylyp úlgerdi. Baqbergen AMALBEK, «Egemen Qazaqstan». Aqmola oblysy.