Eńbek etýge quqyly

Qyzylorda óńirinde ju­mysqa jaramdy 3316 múmkindigi shek­teýli jan bar. Sonyń 593-i halyqty jumyspen qamtý or­ta­lyqtaryna «eki qolǵa bir kúrek» surap habarlasqan. О́tinish bildirgenderdiń 172-si turaqty jumysqa ornalassa, 208-i qoǵamdyq jumystarǵa, 43-i kásiptik oqytýǵa, 19-y jastar tájirıbesine, 38-i áleýmettik jumys oryndaryna jiberilipti. Aqpannan bastap múmkindigi shekteýli jandarǵa arnalǵan bos oryndar jármeńkesi ótkizile bas­tady. Alǵashqysy Qyzylorda qalasy men Syrdarııa aýdanynda uıymdastyryldy. 48 adamǵa turaqty jumysqa joldama berildi. On eki múshesi túgel emes jandardyń mamandyǵy joq­tyǵy da jumysqa ornalasýlaryna keri áser etýde. Aldaǵy ýaqytta bul másele de basty nazarda bolady. Oblysta múmkindigi shekteýli balalarǵa qyzmet kórsetetin 17 arnaıy bilim berý uıymdary jumys jasaıdy. «Jol kartasy» aıasynda Qyzylorda qalasyndaǵy «Syr juldyzy» balabaqshasy men №11 mektepte qulaǵy nashar estıtin balalarǵa ın­klıý­zıvti top pen synyp ashylatyn bolady. «Egemen-aqparat».