Áriptestik baılanystar nyǵaıady

Qazaqstan Prezıdenti N.Na­zar­baev usynǵan «Máńgilik El» jo­basy memleketaralyq ynty­maq­tastyqty nyǵaıtý qadamdaryna qýat berýde. Astanalyq Aqmola oblysynyń ákimi Qosman Aıt­mu­hametovtiń Kanadanyń Qazaq­standaǵy Tótenshe jáne ókiletti elshisi Stıven Mıllermen kezde­sýinde osy máseleler keńinen tal­qyǵa salynyp, naqty sheshimder qabyldandy. Qabyldaýda óńir basshysy aýyl sharýashylyǵy men óndiris salasynda birlesken jobalardy júzege asyrýda Kanada Aqmola oblysynyń senimdi áriptesi ekendigin atap kórsetti. Máselen, 2013 jyly oblystyń Kanadamen taýar aınalymy 36 mıllıon AQSh dollaryn qurap, 2012 jylmen sa­lys­tyrǵanda eki ese artyq kór­set­kishke qol jetkizildi. Aıryqsha kóńil qoıarlyq ju­mys­tyń biri retinde, 2011-2013 jyl­dar aralyǵynda etti qara mal sharýashylyǵyn damytý baǵ­dar­lamasy sheńberinde Kanadadan 1800 bas asyl tuqymdy mal jetkizilgeni atap ótildi. Qazirgi tańda ozyq tehnologııa talaptarynda kútimge alynǵan maldan joǵary ónim alynýda. Sońǵy eki jyldyń tól tógimi nátıjesinde qosymsha tabyndar qatary aıtar­lyqtaı kóbeıdi. Bul oraıda, she­teldik seleksııadaǵy «Angýs», «Gereford» iri qara malyn kóp­tep satyp alǵan «Balqashyn» asyl tuqymdy zaýytynyń, «Ostro­gorskıı», «Arshaly Agro О́nim­deri», «Sandyqtaý» JShS men «Asyl Túlik» AQ-tyń  jaqsy ju­mystary atap ótildi. Sondaı-aq, búgingi kúni Aqmola oblysynyń aýylsharýashylyq taýar óndirýshileriniń menshiginde joǵary ónimdiliktegi «Borgo», «Morrıs», «Felıksıkoıl», «Amıtı», «Bıýller»  markaly 693 bir­lik kanadalyq ozyq tehnıka bar. Onyń jalpy quny 14,8  mıllıard teńgeni nemese 99,3 mıllıon AQSh dollaryn qurap otyr. Kezdesýge qatysýshy jer­gi­likti taýar óndirýshiler men aýyl sharýashylyǵynyń  maman­dary Aqmola óńiri men Kana­da ǵalymdary Shortandy aýda­nyn­daǵy A.I.Baraev atyndaǵy ǵyly­mı-zertteý ınstıtýtynyń baza­synda azyqtyq soıanyń aýdan­dastyrylǵan seleksııasyn jasaýda birlesip jumys istep kele jat­qa­nyna rızashylyq bildirdi. Túpki maqsat – qatal klımattyq jaǵ­daıda mańyzdy ónimniń 70-75 kún­de pisip-jetilýin qamtamasyz etý. О́z kezeginde Stıven Mıller óz eliniń baıyrǵy áriptestik baılanystardy nyǵaıtyp,  aımaq sharýalary men kásipkerler qyzmetin óristetýge múddeli ekendigin málimdedi. Sonymen birge, ol memleketaralyq ıntegrasııany damytý maqsatynda  Aqmola oblysynyń delegasııasyn Kanadaǵa kelip qaıtýǵa shaqyrdy. Sondaı-aq, Kanadanyń Manı­toba provınsııasynyń delegasııasyn Aqmola oblysy ákiminiń birinshi orynbasary Rashıt Ákimov qabyldady. Onda Kanada Úkimetiniń ınvestısııa men saý­da jónindegi bóliminiń dırektory Bıll Terrıýs ozyq aýyl sharýashylyǵy jabdyqtaryn jasaýshylar men eksporttaýshy «Ag Growth», «Can Agro Exports», «Convey-A» kompanııalarynyń qyzmet usynymdaryn tanystyrdy. Baqbergen AMALBEK, «Egemen Qazaqstan». Aqmola oblysy.