Kókshetaý qurylys alańyna aınalmaq

Bul jóninde jergilikti ákimderdiń alǵashqy brıfınginde málimdeldi

«Aqmola Medıa-ortalyǵynyń» baspasóz klýbynda Kókshetaý qalasynyń ákimi Jarqyn Jumaǵulov brıfıng ótkizdi. Bul is-shara oblys turǵyndaryna jergilikti atqarýshy organdarynyń jumysy týraly aqparat berý úshin alǵash ret uıymdastyrylyp otyr. Brıfıngte J.Jumaǵulov Kókshetaý qalasynyń ótken eki aıdaǵy áleýmettik-ekonomıkalyq damýy týraly habarlap, aldaǵy jumystar barysymen tanystyrdy. Atap aıtqanda, ónerkásip ónimderiniń kólemi 8,9 mıllıard teńgeni qurap, byltyrǵy sáıkes merzimdegiden artyp túsedi dep kútilýde. Bıyl aımaqtyq ındýstrııalandyrý kartasy aıasynda 8 mıllıard teńgeniń bes ınvestısııalyq jobasy júzege asyrylyp, 1500 adam jańa jumys oryndarymen qamtamasyz etilmek. Qańtar aıynda ǵana shaǵyn bıznesti damytý nátıjesinde 60 adam jumysqa ornalastyrylǵan. Qala bıýdjeti áleýmettik salany meılinshe qoldaıtyn bolady. Qazirgi kúni qalalyqtar­­­­dyń ortasha aılyq jalaqysy 90 myń teńgeden asyp otyr. Bıyl óziniń 190 jyldyq mereıtoıyn atap ótetin Kókshetaý keń kólemdegi qurylys alańyna aınalmaq. Qazir «Turǵyn úı qurylys jınaq banki» júıesimen Vasılkov shaǵyn aýdanynyń soltústik bóliginde 14 úıdiń qurylysy bastaldy. Turǵyndar qarjysy esebinen 5,7 myń sharshy metr jaıly páter paıdalanýǵa berilmek. Al, bıylǵy qańtar aıynyń qorytyndysymen 2,7 myń sharshy metrlik 20 úıde qonys toıy ótkizilgen. Bul byltyrǵy sáıkes merzimdegiden anaǵurlym kóp. Sondaı-aq, turǵyn úı-kommýnaldyq sharýashylyqty jańǵyrtý baǵdarlamasymen 19 kóp qabatty úı kúrdeli jóndeýden ótkiziledi dep josparlanýda. Atalǵan jumystarǵa 400 mıllıon teńge qarjy jumsalady. Baqbergen AMALBEK, «Egemen Qazaqstan». KО́KShETAÝ.