Máselen, ótken jyldyń basty jetistikteriniń biri retinde Halyqaralyq azamattyq avıasııa uıymynyń (ICAO) Qazaqstanda júrgizgen tekserisin ataýǵa bolady. Tekserý qorytyndysy boıynsha halyqaralyq uıym Qazaqstannyń ushý qaýipsizdigin qamtamasyz etý deńgeıin 84 paıyzǵa deıin kóterdi. Bul álemdik ortasha kórsetkishten 15 paıyzǵa joǵary. Atalǵan kórsetkish boıynsha, Qazaqstan Nıderland (87 paıyz), Belgııa (87 paıyz), Portýgalııa (87 paıyz), Chehııa (87 paıyz), Latvııa (86 paıyz), Danııa (85 paıyz), Islandııa (84 paıyz), Polsha (84 paıyz), Slovenııa (82 paıyz), Kıpr (82 paıyz) sekildi eldermen bir qatarda tur.
Indýstrııa jáne ınfraqurylymdyq damý mınıstrligi habarlaǵandaı, Qazaqstannyń azamattyq avıasııa salasyn tekserý maqsatynda Eýropalyq komıssııanyń Eýropalyq Odaq elderiniń avıasııalyq qaýipsizdik jónindegi agenttigi men avıasııalyq bılik ókilderi, AQSh Kólik qaýipsizdigi ákimshiligi (TSA) sarapshylary bizdiń elge arnaıy keldi. AQSh-tyń avıasııalyq sarapshylary mınıstrliktiń, avıasııalyq retteýshiniń jáne áýejaılardyń úılesimdi jumysyn baǵalap, aýdıtorlar aldyndaǵy ashyqtyǵyn atap ótti.
Bul rette «Qazaqstannyń avıasııalyq ákimshiligi» aksıonerlik qoǵamy baqylaý-qadaǵalaý fýnksııalaryn iske asyrý sheńberinde 16 áýejaıdy sertıfıkattaý jáne 32 ınspeksııalyq tekserý júrgizgen. Avıasııa mamandaryna kýálik berý boıynsha 2 500-den astam memlekettik qyzmet kórsetilgen. 9 avıasııalyq oqý ortalyǵy sertıfıkattaýdan ótip, 17 ınspeksııalyq tekserý júrgizildi. Bıyl Qazaq Air áýe kompanııasynyń áýe kemesi Arýba tiziliminen Qazaqstannyń azamattyq áýe kemeleri tizilimine qaıta tirkeldi.
Sondaı-aq byltyr Qazaqstan Azamattyq avıasııanyń eýropalyq konferensııasyna baqylaýshy mártebesine ıe boldy jáne TMD-dan ESAS-qa qabyldanǵan úshinshi el atandy.
«Ishki tasymaldar kólemi pandemııaǵa deıingi deńgeıde qalpyna keltirilip, odan da asyp tústi. Ishki týrızmdi damytý sheńberinde Túrkistan, Alakól, Balqash, Shýche-Býrabaı kýrorttyq aımaǵy sııaqty týrıstik oryndarǵa áleýmettik mańyzy bar reıster oryndaldy. 24 elmen 73 baǵyt boıynsha halyqaralyq áýe reısteri jańartylyp, ashyldy. Bul pandemııaǵa deıingi kezeńniń 66 paıyzyna teń. Maldıv araldarymen Almaty – Male, Qatarmen Almaty – Doha, Shrı-Lankamen Almaty – Kolombo, Kýveıtpen Almaty – El-Kýveıt, BAÁ-men Abý-Dabı – Almaty baǵyttary boıynsha jańa reıster ashyldy», dep habarlady Indýstrııa jáne ınfraqurylymdyq damý mınıstrliginiń Azamattyq avıasııa komıteti.
Sonymen qatar Qazaqstan men AQSh arasynda tikeleı turaqty áýe qatynasyn ornatý sheńberinde Parlament Májilisi el Úkimeti men AQSh Úkimeti arasyndaǵy áýe qatynasy týraly kelisimdi ratıfıkasııalaý týraly zań jobasyn maquldady. Ol tikeleı turaqty reısterdi oryndaýǵa quqyqtyq baza qalyptastyrady.
Budan bólek áýe kóliginiń jerústi ınfraqurylymyn jańǵyrtýǵa da kóńil bólinýde. Infraqurylymdy damytýdyń 2020-2025 jyldarǵa arnalǵan «Nurly jol» memlekettik baǵdarlamasy sheńberinde О́skemen qalasy áýejaıynyń ushý-qoný jolaǵy qaıta jańartylýda. Jolaqtardy 300 metrge uzartý jáne áýe kemeleriniń qazirgi zamanǵy túrlerin qabyldaý úshin jaryq-sıgnaldyq jabdyqty aýystyrý kózdelgen.
Jeke ınvestısııalar esebinen Shymkent qalasynyń áýejaıynda jańa termınaldyń qurylysy jalǵasýda. Ol termınal alańyn 3,8 myńnan 35 myń sharshy metrge deıin keńeıtýge jáne ótkizý qabiletin saǵatyna 150 adamnan 2 myń jolaýshyǵa deıin ulǵaıtýǵa múmkindik beredi. Jańa termınal halyqaralyq sapa jáne qaýipsizdik standarttaryna sáıkes keledi.
Batys Qazaqstan oblysynyń ákimdigi jeke ınvestısııalardy tarta otyryp, Oral qalasy áýejaıynyń aerovokzal keshenin jańǵyrtý boıynsha jumys júrgizýde. Termınal aýmaǵy eki ese ulǵaıyp, ótkizý qabileti saǵatyna 100 adamnan 200 jolaýshyǵa jetedi.
Sondaı-aq byltyr Qostanaı qalasy áýejaıynyń aerovokzal keshenin rekonstrýksııalaý jumystary bastaldy. О́tkizý qabiletin saǵatyna 200 adamnan 250 jolaýshyǵa deıin arttyrý josparlanýda.
Alakól týrıstik ortalyǵynyń kólikter úshin qoljetimdiligin qamtamasyz etý maqsatynda Úrjar aýyly aerovokzalynyń ushý-qoný jolaǵyn jáne ǵımaratyn rekonstrýksııalaý boıynsha jumystar júrgizilýde. Sondaı-aq Úsharal qalasy áýejaıynyń ushý-qonaý jolaǵyn, rýldeý jolyn jáne perronyn jańǵyrtý jumystary bastaldy.
2021 jyly ishki reısterde jeke kýáliktiń túpnusqasyn paıdalanbaı, jeke derekterdi rastaý úshin Egov Mobile arqyly sıfrly qujattar qyzmeti engizildi. Joba elimizdiń barlyq áýejaıynda iske qosyldy.
