Astana vokzalynda jolaýshylarǵa kórsetiletin qyzmet sapasyn arttyryp, temirjol kóliginde zamanaýı qyzmet túrlerin damytý maqsatynda elektrondy satý ortalyǵy ashyldy.
Elektrondy satý ortalyǵy halyqqa qolma-qol nemese elektrondy aqsha jáne avtomattandyrylǵan qyzmet kórsetý kassalary arqyly bılet satýdyń jańa ádisin usynady. Sondaı-aq, onda jolaýshylar aqparattyq taqta arqyly poıyzdar kestesi men bos oryndar týraly aqparat alyp, keńesshilerdiń kómegine júgine alady. Jolaýshylarǵa arnap zalǵa jaıly oryndyqtar qoıylǵan. Beınemonıtor ornatylyp, aýa baptaıtyn jáne jylytatyn avtonomdy júıe qyzmet kórsetedi. Jańa qyzmettiń iske qosylýy kassalardaǵy kezekti azaıtyp, jolaýshylardyń bılet satyp alýyn barynsha ońaılatady degen úmit bar.
Elbasynyń «Qazaqstan joly – 2050: bir maqsat, bir múdde, bir bolashaq» atty Joldaýynda elimizdiń eń damyǵan 30 memlekettiń qataryna enýi basty baǵyt retinde aıqyndalyp, oǵan qol jetkizýdiń naqty tetikteri bekitilgen. Elektrondy satý ortalyǵy temirjolshylardyń Joldaý mindetterin oryndap jatqanyn aıqyn kórsetedi. Naqtyraq aıtqanda, logıstıkalyq qyzmet aýqymyn keńeıtý, magıstraldar ınfraqurylymyn damytý, jolaýshylar tasymaly úderisi men qyzmet kórsetý baǵytynda zamanaýı tehnologııalardy engizý arqyly kólik júıesin damytý basty nazarda.
Atalǵan arnaıy bılet satý zalynda 16 elektrondy bılet kassasy ornatylǵan. Oǵan qosymsha kádýilgi on kassa halyqqa qyzmet kórsetedi. «Bizdiń bul tehnologııany engizýdegi maqsatymyz – jolaýshylardyń tez ári jaıly jaǵdaıda bılet satyp alýyn qamtamasyz etý», dedi elektrondy satý zalynyń ashylý saltanatynda «Jolaýshylar tasymaly» AQ prezıdenti Ermek Tólegenov. Osyndaı on kassa Almatyda ashylady eken.
Elektrondy satý ortalyǵyn ashý temirjol kóligi jolaýshylaryna qyzmet kórsetýdiń jańa bir bastamasy ispettes. «Qazaqstan temir joly» UK» AQ pen onyń enshiles kásiporny «Jolaýshylar tasymaly» AQ 2014 jyly elektrondy-sandyq pishinde ınternet-resýrs arqyly bıletterdi resimdeý tehnologııasyn engizý jáne jolaýshylardy arnaıy esep qurylǵylary arqyly tirkep, poıyzdarǵa otyrǵyzý ádisin tolyqtaı engizýdi josparlap otyr.
Nurbaı ELMURATOV,
«Egemen Qazaqstan».
Elektrondy satý ortalyǵy halyqqa qolma-qol nemese elektrondy aqsha jáne avtomattandyrylǵan qyzmet kórsetý kassalary arqyly bılet satýdyń jańa ádisin usynady. Sondaı-aq, onda jolaýshylar aqparattyq taqta arqyly poıyzdar kestesi men bos oryndar týraly aqparat alyp, keńesshilerdiń kómegine júgine alady. Jolaýshylarǵa arnap zalǵa jaıly oryndyqtar qoıylǵan. Beınemonıtor ornatylyp, aýa baptaıtyn jáne jylytatyn avtonomdy júıe qyzmet kórsetedi. Jańa qyzmettiń iske qosylýy kassalardaǵy kezekti azaıtyp, jolaýshylardyń bılet satyp alýyn barynsha ońaılatady degen úmit bar.
Elbasynyń «Qazaqstan joly – 2050: bir maqsat, bir múdde, bir bolashaq» atty Joldaýynda elimizdiń eń damyǵan 30 memlekettiń qataryna enýi basty baǵyt retinde aıqyndalyp, oǵan qol jetkizýdiń naqty tetikteri bekitilgen. Elektrondy satý ortalyǵy temirjolshylardyń Joldaý mindetterin oryndap jatqanyn aıqyn kórsetedi. Naqtyraq aıtqanda, logıstıkalyq qyzmet aýqymyn keńeıtý, magıstraldar ınfraqurylymyn damytý, jolaýshylar tasymaly úderisi men qyzmet kórsetý baǵytynda zamanaýı tehnologııalardy engizý arqyly kólik júıesin damytý basty nazarda.
Atalǵan arnaıy bılet satý zalynda 16 elektrondy bılet kassasy ornatylǵan. Oǵan qosymsha kádýilgi on kassa halyqqa qyzmet kórsetedi. «Bizdiń bul tehnologııany engizýdegi maqsatymyz – jolaýshylardyń tez ári jaıly jaǵdaıda bılet satyp alýyn qamtamasyz etý», dedi elektrondy satý zalynyń ashylý saltanatynda «Jolaýshylar tasymaly» AQ prezıdenti Ermek Tólegenov. Osyndaı on kassa Almatyda ashylady eken.
Elektrondy satý ortalyǵyn ashý temirjol kóligi jolaýshylaryna qyzmet kórsetýdiń jańa bir bastamasy ispettes. «Qazaqstan temir joly» UK» AQ pen onyń enshiles kásiporny «Jolaýshylar tasymaly» AQ 2014 jyly elektrondy-sandyq pishinde ınternet-resýrs arqyly bıletterdi resimdeý tehnologııasyn engizý jáne jolaýshylardy arnaıy esep qurylǵylary arqyly tirkep, poıyzdarǵa otyrǵyzý ádisin tolyqtaı engizýdi josparlap otyr.
Nurbaı ELMURATOV,
«Egemen Qazaqstan».
