Atalǵan jarysta qyrǵyzstandyq Busyrmanqul Ábdibaıtulyna tıesili jartylaı jeńil salmaqtaǵy Eagle FS uıymnyń chempıondyq belbeýi sarapqa salynady. Onyń qarsylasy – Jasulan Ákimjanov. Busyrmanqul jaıynda aıtar bolsaq, ol 1993 jyldyń 27 qańtarynda Osh oblysynda dúnıege keldi. Jastaıynan belbeýli kúrespen aınalysty. 2010 jyldan beri aralas jekpe-jekke den qoıdy. Arada bes jyl ótkennen soń kásipqoılar arasynda óziniń tusaýkeser kezdesýin ótkizdi. Oǵan deıin grepplıngten Máskeýde ótken álem chempıonatynda top jardy. Sol aralyqta 19 ret oktagonǵa shyqqan ol 14 básekede basymdyq tanytyp, 10 aıqasty merziminen buryn aıaqtady. Úsh ret utylyp, taǵy bir jekpe-jekte teń esep tirkeldi. 2015 jyly qyrǵyz sportshysy bizdiń Erjan Estanovpen kúsh synasyp, upaı sanymen ese jibergen edi. Taǵy bir aıta keterlik jaıt, 2015 jyly Ábdibaıtuly salmaǵy nebári 66 kılo tartqanyna qaramastan, alyptarmen aıqasyp, grepplıngten Qyrǵyzstannyń absolıýtti chempıony atandy.
Al Jasulannyń júrip ótken joly qazaq jankúıerleriniń kóz aldynda. Ol da jastaıynan birqatar sport túrimen shuǵyldandy. Aralas jekpe-jekten 10 kezdesý ótkizip, jeteýinde jeńiske jetti. Bes básekede aıqyn basymdyq tanytty.
