Qazaqstan • 17 Qańtar, 2022

«Atameken» palatasynyń jańa basshysy qashan saılanady?

154 ret kórsetildi

«Atameken» QR UKP basqarmasy Tımýr Qulybaev qyzmetinen ketýine baılanysty úndeý jasady, dep habarlaıdy Egemen.kz  Ulttyq palatanyń baspasóz qyzmetine silteme jasap.

«Búgin Tımýr Asqaruly Qulybaevtyń «Atameken» QR UKP Tóralqa tóraǵasy qyzmetindegi ókilettigi óz erkimen toqtatyldy. Tımýr Asqarulynyń jeke sheshimine qurmetpen qarap, birlesken jumys jyldary úshin alǵys bildiremiz. Tımýr Qulybaev Ulttyq kásipkerler palatasyn qurýdyń bastaýynda turdy jáne palatanyń bıznes pen bıliktiń syndarly únqatysý alańy retinde qalyptasýyna úlken úles qosty», dep jazylǵan Kásipkerler palatasynyń úndeýinde.

«Atameken» UKP basqarmasy Ulttyq palatanyń barlyq basqarý organdary jumysyn jalǵastyryp jatqanyn atap ótti.

Qazir Memleket basshysynyń tapsyrmasy boıynsha Úkimet UKP-men birlesip, tártipsizdikter barysynda bızneske keltirilgen zalaldy óteý boıynsha jumysty bastady.

«Tóralqa tóraǵasyn sezd saılaıtynyn eskere otyryp, tóralqanyń kezekti otyrysynda onyń músheleri tóraǵanyń mindetin ýaqytsha atqarýshynyń kandıdatýrasyn aıqyndaıdy. Biz óz kezegimizde «Atameken» UKP saılaý júıesin nyǵaıtý jumystaryn jalǵastyramyz. 2020 jyly aımaqtyq keńesterge saılaý ótkizildi. Jaqyn arada UKP basqarmasy bıznes-qoǵamdastyqtyń talqylaýyna burynnan kele jatqan máseleni - tóralqanyń salalyq komıtetteriniń múshelerin tıisti salanyń kásipkerleri etip saılaý tártibin shyǵarady. Nátıjesinde, 2022 jyldyń kúzine qaraı kezekti sezge sezd pen tóralqa delegattarynyń quramy jańartylady. Sezd joǵary basqarý organy retinde óz ókilettikteri sheńberinde tóralqanyń tóraǵasy men quramy, sondaı-aq basqarma boıynsha sheshim qabyldaıdy», delingen Ulttyq palata úndeýinde.

Eske sala ketsek, Tımýr Qulybaev «Atameken» Ulttyq Kásipkerler palatasy Tóralqasynyń saılanǵan tóraǵasy ókilettigin toqtatty.

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar