Aýa raıy • 18 Qańtar, 2022

Elimizdiń basym bóliginde qar jaýyp, kóktaıǵaq bolady

68 ret kórsetildi

Qazaqstan aımaqtarynda búgingi, 18 qańtarda bolatyn erekshe meteorologııalyq qubylystarǵa boljaý konsýltasııasy jarııalandy, dep jazady Egemen.kz.

QR basym bóliginde frontaldy bólikterdiń ótýimen aýa raıynyń turaqsyz sıpaty saqtalady, jaýyn-shashyn kóbinese qar túrinde ótedi. Respýblıkanyń tek batys, soltústik-batys, soltústik aýdandary antısıklonnyń yqpalynda bolady, sondyqtan jaýyn-shashynsyz aýa raıy basym bolady dep kútilýde. Respýblıka boıynsha keı jerlerde jaıaý burqasyn bolyp, tuman, kóktaıǵaq bolady.

Shyǵys Qazaqstan oblysynyń batysynda, soltústik-shyǵysynda jaıaý burqasyn, joldarda kóktaıǵaq, soltústikte tuman kútiledi. Jambyl oblysynyń soltústiginde, taýly jáne taý bókteri aýdandarynda tuman, kóktaıǵaq, taýly aýdandarda jeldiń kúsheıýi 15-20 m/s. Túnde Almaty oblysynyń ońtústiginde, shyǵysynda tuman, kóktaıǵaq, túnde oblystyń shyǵysynda jeldiń kúsheıýi 18-23 m/s bolady. 

Túrkistan oblysynyń ońtústiginde, batysynda, taýly jáne taý bókterindegi aýdandarynda tuman, kúndiz taýly aýdandarda jel 15-20 m/s kúsheıedi. Túnde Mańǵystaý oblysynyń ońtústik-batysynda kóktaıǵaq, kúndiz batysta, ortalyqta jel 15-20 m/s kúsheıedi. 

Soltústik Qazaqstan oblysynyń soltústik-batysynda, ońtústik-shyǵysynda tuman, soltústiginde, soltústik-shyǵysynda jel 15-20 m/s jaıaý burqasynmen kúsheıedi. Aqmola oblysynyń soltústik-batysynda, ońtústik-shyǵysynda 15-20 m/s jaıaý burqasynmen  jel soǵady. Kúndiz Batys Qazaqstan oblysynyń batysynda, soltústik-batysynda kóktaıǵaq, 15-20 m/s jel turady, oblystyń ońtústik-batysynda tuman túsedi. 

Kúndiz Qyzylorda oblysynyń ońtústiginde kóktaıǵaq, oblys ortalyǵynda tuman bolady. Aqtóbe oblysynyń ońtústiginde, shyǵysynda, Pavlodar oblysynyń ońtústiginde, Qaraǵandy oblysynyń soltústiginde, ońtústiginde tuman kútiledi.

Sońǵy jańalyqtar

Uqsas jańalyqtar