Aımaqtar • 18 Qańtar, 2022

Shymkent ákimi Abaı aýdanynyń turǵyndarymen kezdesti

83 ret kórsetildi

Shymkent qalasynyń ákimi Murat Áıtenov Abaı aýdanynyń ınfraqurylymmen qamtylý jaǵdaıymen tanysyp, ondaǵy eldimeken turǵyndarymen kezdesti, dep habarlaıdy Egemen.kz Shymkent qalasy ákimdiginiń baspasóz qyzmetine silteme jasap.

Túrkistan oblysynan Abaı aýdany aýmaǵyna 37 myńnan astam halqy bar 10 eldi meken qosylyp, ondaǵy eldi mekenderdiń ınfraqurylymdyq máselelerin sheshý boıynsha tıisti jumystar atqarylyp keledi.

 

13 

 

Sonyń biri - Altyntóbe turǵyn alaby. Bul eldimeken 2015 jyly sapaly aýyz sýmen tolyq qamtylǵan. Al, ótken jyly 8,1 shaqyrym bolatyn gaz júıesi tartyldy. Osy jyly avtomattandyrylǵan gaz taratý stansııasy iske qosylǵanda 1 231 turǵyn tabıǵı gazben qamtylady. Budan bólek, bıyl tutynýshylardy sapaly qýat kózimen qamtý maqsatynda elektr jelisin tartý jáne kósheni jaryqtandyrý jumystary jáne eki kóshege asfalt tóseý jumystary júrgiziletin bolady.

 

35 

Altyntóbeniń turǵyndarymen bolǵan kezdesýde qala basshysy atqarylyp jatqan jumystardyń barlyǵy turǵyndardyń ıgiligi úshin jasalyp otyrǵanyndyǵyn, eldi mekendegi ózekti máseleler ret-retimen sheshiletindigin aıtty.

Sonymen birge, ákim gazben qamtý máselesine basa nazar aýdaryp, AGRS-3 nysanyn iske qosý boıynsha tıisti jumystardy aıaqtaý jáne qoǵamdyq kólik aıaldamalaryn kóbeıtýdi tapsyrdy.

Sońǵy jańalyqtar

Uqsas jańalyqtar