Almaty - Kókpek - Kóktal tasjolynyń 42-shaqyrymynda eki kólik jaıaý júrginshini qaǵyp óltirdi. Tergeýshiler Jambyl aýylyna anasyna qonaqqa kelgen 45 jastaǵy Nur-Sultan turǵyny belgilenbegen tustan joldy kesip ótpek bolǵan jerinen Mitsubishi Carisma kóligin tizgindegen 29 jastaǵy Talǵar turǵyny qaǵyp ketkenin anyqtaǵan.
Sodan keıin VAZ-2114 kóligin tizgindegen Eńbekshiqazaq aýdanynyń 31 jastaǵy turǵyny jaıaý júrginshi ekinshi ret qaǵyp ketip, ári qaraı ony qaǵyp ketken avtokólikpen soqtyǵysqan. Nátıjesinde jaıaý júrginshi alǵan jaraqatynan oqıǵa ornynda kóz jumǵan.
Marqumnyń anasynyń aıtýynsha, ol ulynyń Eńbekshiqazaq aýdanyna qalaı barǵanyn bilmeıdi. Túnde ol sharýalarymen bir jerge ketip, joǵalyp ketken.
«Jol apatynyń sebebi túnde kólik aldynda joldy kesip ótken jaıaý júrginshiniń jol qozǵalysy erejesin saqtamaýy boldy. Is boıynsha saraptamalar taǵaıyndaldy, olar jábirlenýshiniń mas kúıde bolyp-bolmaǵanyn nemese júrgizýshiler jol apatynyń aldyn ala múmkindigi bar ma edi degen máseleler tekseriledi. Azamattardy jol júrý erejelerin saqtaýǵa jáne joldy belgilengen jerlerden ǵana ótýge shaqyramyn», dedi Eńbekshiqazaq AIIB bastyǵy Jaqsylyq Altynbaev.
