Elorda • 19 Qańtar, 2022

Elordada tótenshe jaǵdaı kezinde 72 sýyq qarý tárkilendi

49 ret kórsetildi

19 qańtardan bastap elordada tótenshe jaǵdaı rejımi men komendanttyq saǵat aıaqtaldy, dep habarlaıdy Egemen.kz.

Elordada tótenshe jaǵdaı rejıminde atqarylǵan sharýalar men qazirgi ahýaldy qalalyq Polısııa departamentiniń bastyǵy Erjan Sadenov baıandady.

«Qaladaǵy jedel jaǵdaı turaqty jáne baqylaýda tur. Tótenshe jaǵdaı rejımi bastalǵannan beri qoǵamdyq tártipti qamtamasyz etý, qylmystar men ózge de quqyqqa qaıshy áreketterdiń ýaqtyly aldyn alý jáne jolyn kesý maqsatynda gornızonnyń jeke quramy jumys atqardy. Alty blokbeket táýliktik rejımge kóshirildi. 

Blokbeketter men qala ishinen tekseris barysynda 7 birlik qarý, oq-dáriler jáne 72 birlik sýyq qarý tárkilendi. Sonymen qatar 11 esirtki qylmysynyń joly kesildi. 

О́kinishke qaraı, keıbir qala turǵyndary komendanttyq saǵatty buzyp, kóshede júrgen. Tótenshe jaǵdaı rejımin buzǵany úshin 651 adam ákimshilik jaýaptylyqqa tartyldy, olardyń ishinde óreskel zań buzýshylyqqa barǵan 42-si qamaýǵa alynyp, 198-ine aıyppul salyndy, qalǵandaryna eskertý berildi. Tártip saqshylary aýlalar men páterlerdi aralap, tekserý jumystaryn júrgizdi. 

Kóshi-qon zańnamasyn buzǵany úshin 76 sheteldik azamat elden shyǵaryldy. Polıseıler jergilikti-reıdtik is-sharalardy ótkizý barysynda komendanttyq saǵat rejımin buzyp, qyzmetin jalǵastyrǵan kóńil kóterý mekemeleri anyqtaldy. 

Nátıjesinde 64 kásipkerlik sýbektisiniń jumysyna tosqaýyl qoıyldy. Sondaı-aq alkogoldik ónimderdi satqan-satpaǵanyn anyqtaý úshin dúkenderge de tekseris júrgizildi. Tótenshe jaǵdaı kezeńinde «102» arnasyna kelip túsken qańyraýlar sany artty. Olardyń basym kópshiligi anyqtamalyq sıpatta boldy. Qylmys pen ózge de quqyq buzýshylyqtyń sany edáýir azaıdy.

Osy qıyn kúnderi Ishki ister organdary men Qorǵanys mınıstrliginiń jeke quramy qoǵamdyq tártipti qamtamasyz etti. Azamattar ótkizilip jatqan sharalarǵa túsinistikpen qarap, qoldaý bildirip, úlken kómek kórsetti. Barlyq qala turǵyndaryna, qoǵamdyq uıymdar men eriktilerge sheksiz alǵysymdy bildiremin. Birlesken jáne júıeli jumystyń arqasynda elordamyzdaǵy tártip pen tynyshtyqty saqtadyq», dedi qalalyq Polısııa departamentiniń bastyǵy Erjan Sadenov

Sońǵy jańalyqtar

Aqtaý ákimine sógis jarııalandy

Aımaqtar • Búgin, 18:45

Almatyda eki kóshe jartylaı jabylady

Aımaqtar • Búgin, 16:48

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Uqsas jańalyqtar