Sport • 20 Qańtar, 2022

Baltyq jaǵalaýyndaǵy báseke

62 ret kórsetildi

Keshe Estonııanyń astanasy – Tal­lınde mánerlep syrǵanaýdan «Tórt qurlyq chempıonatynyń» jalaýy jelbiredi.

Atalǵan jarystyń tusaýy 1999 jyly kesilgen edi. Sol kezde Amerıka, Azııa, Afrıka jáne Muhıt jaǵalaýy elderiniń ókilderi ózara sheberlik baıqasyp, úzdikterdi anyqtady. Kanadanyń Galıfaks qalasynda shymyldyǵy túrilgen alǵashqy týrnırdiń erler saıysynda japonııalyq Takesı Honda top jarsa, áıelder arasynda ózbekstandyq Tatıana Malınınanyń mereıi ústem boldy. Bul dodada Qazaqstannyń sportshylary eki márte jeńis tuǵyryna kóterildi. Atap aıtsaq, 2015 jyly Denıs Ten top jardy. Ol amerıkalyq Djoshýa Farrıs pen qytaılyq Iаn Handi artqa tastap, bas júldeni oljalady. 2019 jyly Anahaımda Elızabet Tursynbaeva kúmis medaldy moınyna ildi. Qazaq qyzy Japonııanyń juldyzy Rıka Kıharadan ǵana qalyp qoıdy.

Baltyq jaǵalaýynda ótip jatqan jarys­ta Qazaqstan namysyn Mıhaıl Shaıdorov pen Dııas Jırentaev qorǵaıdy.

Sońǵy jańalyqtar

Uqsas jańalyqtar