Fýtbol • 20 Qańtar, 2022

Syılyq ıeleri jarııa etildi

66 ret kórsetildi

Fýtzal taqyrybyn arqaý etken Futsalplanet.com portaly byltyrǵy jyldyń qorytyndysy boıynsha Futsalplanet Awards syılyǵy ıeger­leriniń esimderin jarııa etti.

Eń úzdik qaqpashy atalymynda 34 jastaǵy Tıago Mendes Rocha («Gıtta») úzdik dep tanyldy. Ol Brazılııa ulttyq quramasy men Portýgalııanyń «Sportıng» klýby sapynda óner kórsetedi. Ekinshi orynda – Igıta. Qazaqstan quramasy men Almatynyń «Qaıratynyń» qaqpashysy buǵan deıin bes ret dál osy atalymnyń jeńimpazy atanǵan edi. Portýgalııa quramasy eń úzdik ulttyq komanda dep tanyldy. Byltyr Lıtvada jalaýy jelbirgen álem chempıonatynda atalǵan eldiń fýtzalshylary bas júldeni oljalady. Jartylaı fınalda Qazaqstandy (2:2, 4:3) penaltıden jeńdi. Fınalda Argentınadan (2:1) aılalaryn asyrdy. Bul atalymda jerlesterimiz úshinshi oryndy enshiledi.

Portýgalııa quramasynyń jattyq­tyrýshysy Horhe Gomes Braz eń úzdik bapkerge tıesili arnaıy syılyqty ıelendi. Bizdiń Paýlo Rıkardo Kaka úshinshi satyǵa jaıǵasty.

Sońǵy jańalyqtar

Uqsas jańalyqtar