Qazaqstan • 20 Qańtar, 2022

Jyl basynan beri jol apatynan 100-den astam adam qaza tapty

170 ret kórsetildi

QR Ishki ister mınıstrligi jyl basynan beri jol apattarynan 100-den astam adamnyń ómiri qıylǵanyn habarlady, dep jazady Egemen.kz Polisia.kz-ke silteme jasap.

Jol-kólik oqıǵalarynyń aldyn alý boıynsha júrgizilip jatqan jumystarǵa qaramastan, el joldaryndaǵy jaǵdaı kúrdeli bolyp qalýda.

Qańtar aıynyń basynan beri jol apattarynan 100-den astam adam qaıtys bolsa, 400-ge jýyq adam túrli dárejedegi jaraqat aldy. Sońǵy aptada jıilep ketken, eki jáne odan da kóp adamnyń ólimine ákep soqqan jol-kólik oqıǵalary erekshe alańdaýshylyq týdyrady.

Máselen, 14 qańtarda Atyraý oblysynda júrgizýshi Dossor-Qulsary-Beıneý avtojolynda Honda Odyssey avtokóligin basqaryp, VAZ-2115 avtokóligimen soqtyǵysyp, saldarynan bes adam qaza taýyp, bireýi aýrýhanaǵa jetkizildi.

15 qańtarda Qyzylorda oblysyndaǵy Aral-Qazaly avtojolynda Mazda NPV avtokóliginiń júrgizýshisi kóktaıǵaqta jolǵa shyqqan. Kólikti basqara almaǵan júrgizýshi qarsy qozǵalys jolaǵyna shyǵyp, Volvo júk kóligimen soqtyǵysty. Apat saldarynan 8 adam qaza tapty.

18 qańtarda Jambyl oblysyndaǵy Saýdakent-Jańatas avtojolynda KAMAZ avtokóliginiń júrgizýshisi keri burylý kezinde jol bermeı, Audi A6-men soqtyǵysýǵa jol berdi, jol apaty saldarynan 4 adam qaza taýyp, bireýi aýrýhanaǵa tústi.

Al 19 qańtarda Shyǵys Qazaqstan oblysynda Omby-Maıqapshaǵaı avtojolynda Kia Rio kóliginiń júrgizýshisi qaýipsiz qozǵalys jyldamdyǵyn tańdamaı, basqa kólikti basyp ozý kezinde meteorologııalyq jaǵdaılardy (qar jaýǵan, boran) eskermeı, Mitsubishi Outlander-men soqtyǵysty. Nátıjesinde 4 adam qaza taýyp, 3 adam aýrýhanaǵa jatqyzyldy.

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar