Qalanyń Sáńkibaı batyr dańǵylyndaǵy janar maı quıý beketin tonamaq nıetpen eki adam kirip barǵan. Olar operatordy soqqyǵa jyǵyp, kassırdi sýyq qarýmen úreılendirip, kassadan 100 myń teńgeden astam aqsha men uıaly telefondy alyp, izin sýytqan.
«Olar birneshe qorap temeki alyp, belgisiz baǵytqa taıyp turǵan. Aqtóbe oblystyq PD krımınaldyq polısııa basqarmasynyń qyzmetkerleri jedel-izdestirý is-sharalary barysynda eki kúdiktini ustady. Olardan urlanǵan zattar tárkilendi. Osy derek boıynsha QR QK-niń «Qaraqshylyq» babymen sotqa deıingi tergeý amaldary júrgizilip jatyr», deıdi oblystyq PD baspasóz qyzmetiniń jetekshisi Erbolat Sarqulov.
