«Qazaqstanda aqsha taýyp ony basqa bir elde jumsaý qaǵıdaty bolmaý kerek. Elimizdiń qarjysy shetelge ketpeýi kerek. Qarajat shynaıy ekonomıkaǵa barǵany jón. Sol sebepti bıznes jobalardy retteý kerek. Sonymen birge bizge qarjylyq resýrstarymyzdy barynsha paıdalaný mańyzdy bolyp tur», dedi Prezıdent
Memleket basshysy bul qaıta qurýlardy qarjylandyrý keshegi keńestik kezeńnen qalǵan memlekettik múlikti jekeshelendirý arqyly júzege asyrylǵanyn qosty.
«Osy negizde otandyq kásipkerliktiń jańa klasy dúnıege keldi. Ekinshi betburys 2000 jyldardaǵy taýar sýpersıklimen baılanysty boldy. Ekonomıka jahandyq úderisterge kirigýge múmkindik aldy, sheteldik ınvestorlar úshin jaǵdaı jasaldy, bul elge, eń aldymen, taý-ken ónerkásibi men bank sektoryna iri qarajatty tartýǵa múmkindik berdi. Bul qarjylar qazaq ekonomıkasyn nárlendirip, oǵan turaqtylyq berip, áleýmettik-baǵdarly memleket qurýǵa múmkindik berdi», dedi Memleket basshysy.
