«О́KM Operatorynyń» qyzmetin toqtatý jónindegi jumys tobynyń alǵashqy otyrysy ótti Bul týraly mınıstrliktiń resmı saıty jazdy. «Búgin ekologııa mınıstri Serikqalı Brekeshev qoǵam jáne memlekettik organ ókilderiniń qatysýymen «О́ndirýshilerdiń keńeıtilgen mindettemeleri operatory» JShS toqtatylýyna jáne onyń fýnksııalaryn memlekettik uıym – «Jasyl damý» AQ-ǵa berýge baılanysty jumys tobynyń alǵashqy otyrysyn ótkizip, onda kádege jaratý alymyn ákimshilendirý máselelerin qarastyrdy», delingen resmı málimette.
Vedomstvonyń ustanymy boıynsha, «Jasyl damý» qaldyqtardy basqarýda tájirıbesi bar ekologııa salasyndaǵy jalǵyz aksıonerlik qoǵam. Sondaı-aq, Ekologııa, geologııa jáne tabıǵı resýrstar mınıstrliginiń vedomstvolyq baǵynysty uıymy. Iаǵnı, memlekettiń qatysý úlesi – 100%, aksıonerlik qoǵam quramynda jeke jáne zańdy tulǵalar joq.
«О́KM qaǵıdatyn engizý eń aldymen, bıznestiń qarjylyq turaqtylyǵyn qamtamasyz etý tetikterin qurý esebinen qaldyqtarmen jumys isteý salasynda eldegi problemalyq máselelerdi sheshýge áser etti. Búginde biz qaldyqtardy qaıta óńdeý úlesiniń 2016 jylǵy 2,6%-dan 2021 jyly 21%-ǵa deıin artqanyn kórip otyrmyz. Osy kezeńde 264 myń tonna qaptama qaldyq, 310 myń tonna avtomobıl bólshekteriniń qaldyǵy jınalyp, kádege jaratyldy», dedi mınıstri Serikqalı Brekeshev kezdesýde.
Mınıstrlik taratqan málimet boıynsha, búginde «Jasyl damý» AQ ekinshi deńgeıli bankterde shottar ashyp, tólem júıelerine ózgerister engizýde.
Al 24 qańtardan bastap «Jasyl damý» AQ ýtıl almyn qabyldaı bastaıdy.
