Qazaqstan • 22 Qańtar, 2022

Syrtqy ister mınıstri BUU ókilderimen kezdesti

95 ret kórsetildi

Qazaqstan Premer-Mınıstriniń orynbasary – Syrtqy ister mınıstri Muhtar Tileýberdi Shveısarııaǵa jumys sapary barysynda BUU-nyń Jeneva bólimshesinde boldy, dep habarlaıdy Egemen.kz QR Syrtqy ister mınıstrliginiń baspasóz qyzmetine silteme jasap.

Onyń BUU Adam quqyqtary jónindegi Joǵarǵy komıssarynyń orynbasary Nada Ál-Nashıf jáne Adam quqyqtary jónindegi keńestiń qazirgi tóraǵasy - Argentınanyń BUU bólimshesi janyndaǵy Turaqty ókili Federıko Vılegaspen kezdesýleri ótti.

M.Tileýberdi BUU Adam quqyqtary jónindegi Joǵarǵy komıssarynyń basqarmasymen (AQJKB) ózara is-qımyl Qazaqstan úshin BUU júıesi uıymdarymen yntymaqtastyqtyń negizgi baǵyttarynyń biri bolyp tabylatynyn atap ótti.

Qazaqstan AQJKB-ny adam quqyqtaryn saqtaý jáne qorǵaý salasynda jahandyq, óńirlik jáne ulttyq deńgeılerde BUU qundylyqtary men maqsattaryn qorǵaý jónindegi qyzmetti júzege asyratyn jetekshi halyqaralyq agenttik retinde qarastyrady.

Osyǵan baılanysty, qazaqstandyq tarap AQJKB-niń adam quqyqtary salasynda júrgizip jatqan qyzmetin joǵary baǵalaı jáne qoldaı otyryp, óziniń BUU Adam quqyqtary jónindegi keńesine 2022-2024 jyldarǵa músheliginiń basymdyǵyn jáne BUU AQK basqa qatysýshylarymen is-qımyldardy úılestirýdi atap ótti.

Sondaı-aq, Mınıstr Qazaqstandaǵy sońǵy oqıǵalardyń sebepteri men saldary, sondaı-aq halyqtyń qaýipsizdigin qamtamasyz etý jáne eldegi qalypty tirshilik áreketin qalpyna keltirý boıynsha memleket qabyldap jatqan sharalar týraly habardar etti. Qazaqstan bıligi muqııat jáne tolyqqandy tergeý júrgizip, onyń nátıjeleri álemdik qoǵamdastyqqa usynylatyndyǵy atap ótildi.

Kelissózder barysynda Qazaqstannyń adam quqyqtary men zań ústemdigi salasyndaǵy óziniń halyqaralyq mindettemeleri men ámbebap qaǵıdattaryn ustanatyny erekshe atap ótildi.

Qazaqstan Prezıdentiniń nusqaýlaryna sáıkes, el odan ári saıası jańǵyrtý, ekonomıkanyń ashyqtyǵy men sybaılas jemqorlyqqa qarsy kúres baǵytynan aınymaıdy. Jańa Qazaqstannyń kún tártibi qazaqstandyqtardyń qaýipsiz ári sapaly ómir súrý jaǵdaılaryn qamtamasyz etýge baǵyttalǵan.

Kezdesý qorytyndysy boıynsha taraptar turaqty baılanys ornatýǵa kelisti.

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar