Álem • 24 Qańtar, 2022

Koronavırýs qaıta órshidi

38 ret kórsetildi

Kóptegen el vırýs­tyń asa jyldam taralyp jatqanyn aıtyp dabyl qaǵýdy jalǵastyryp jatyr. Pan Amerıkalyq Densaýlyq saqtaý uıymy (PAHO) COVID-19 vırýsy Amerıka qurlyǵynda buryn-sońdy tirkelmegen sandardy kórsetip jatqanyn aıtady. Sońǵy aptada 7,2 mıllıon naýqas anyqtalǵan, COVID-19 indetimen baılanysy bar 15 myńnan astam ólim tirkelgen.

PAHO uıymynyń dırektory Karıssa Eten vırýstyń burynǵydan da asa jyldam taralyp jatqanyn málimdedi. Aımaqtyq agenttik Karıb basseıninde pandemııa bastalǵan eki jylda naýqas sanynyń kúrt óskenin habarlady. Soltústik Amerıkada, Amerıka Qurama Shtattarynda jáne Kanadada aýrýhanaǵa túsken naýqastar sany art­qany baıqalady.

Latyn Amerıkasy men Karıb basseınindegi adamdardyń 60 paıyzdan astamy COVID-19-ǵa
qarsy vaksına alǵanyna qaramastan, «Omıkron» barlyq aımaqtarda tez taralyp jatqan kó­ri­ne­di.

Brazılııa bir táýlikte rekordtyq 137 103 naýqasty tirkegen. Bul Latyn Amerıkasynda «Omıkron» taralǵaly beri, byltyr maýsym aıynda tirkelgen bir táýliktegi eń joǵary kórsetkish – 115 228 adamnan asyp ketken.

Vırýstyń asa jyldam taralyp jatqanyn tek Latyn Amerıkasy ǵana emes, álemniń basqa da elderi aıtyp, mamandar dabyl qaǵyp jatyr.

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar