Ekonomıka • 24 Qańtar, 2022

Qyzmet túrleriniń tizbesin keńeıtti

62 ret kórsetildi

Indýstrııa jáne ınfraqurylymdyq damý mınıstrligi 2021 jyly respýb­lıkanyń birqatar arnaıy ekonomıkalyq aımaqtary úshin qyzmet túrleriniń tiz­besin keńeıtti. Bul syrtqy ekonomı­kalyq baılanystardy jandandyrý, ekonomıkany qoldaý jáne óńirlerdiń áleýmettik problemalaryn sheshý, arnaıy ekonomıkalyq aımaqtardyń (budan ári – AEA) jumysyna ınvestısııa­lar, tehnologııalar men qazirgi zamanǵy menedjmentti tartý úshin jasaldy.

Byltyr «Aqtaý teńiz porty» arnaıy aımaǵynyń qyzmet túrleri keńeıtildi. Endi atalǵan AEA jylý elektr stansalarymen elektr energııa­syn óndirý; elektr energııasyn berý jáne taratý; turǵyn jáne turǵyn emes ǵımarattar qurylysy; qonaq úıler jáne turýǵa arnalǵan oryndar qyzmetterin usyný; jeke nemese jalǵa alynǵan jyljymaıtyn múlikti jalǵa alý jáne basqarý; demalys pen oıyn-saýyqty uıymdastyrý boıynsha qyzmetter sekildi jobalarmen aınalysa alady:

Qarqyndy damyp kele jatqan aımaq­tardyń biri – «Saryarqa» AEA. Onda daıyn metall buıymdary men qurylys materıaldary: sharly krandar, jylý oq­shaý­laǵysh qubyrlar, otqa tózimdi materıal­dar, jezden jasalǵan buıymdar, dirilge jáne otqa tózimdi buıymdar shyǵa­rylady. Endi «Saryarqa» AEA-da isten shyqqan kólik quraldaryn, arnaıy tehnıka jáne aýyl sharýashylyǵy mashınalaryn, tońazytqyshtar men tońazytqysh jabdyqtaryn jınap, óńdep jáne qal­-
dyq­­tardy joıyp, qalpyna keltire alady.

Qyzyljar AEA qyzmet túrleriniń tolyqtyrylǵan tizbesine aǵash mas­sasy men sellıýloza; qaǵaz jáne karton; gof­ro­karton; qaǵaz jáne karton ydysy; sharýashylyq-turmystyq jáne sanı­tar­­lyq-gıgıenalyq maqsattaǵy qaǵaz buıym­dary; farmasevtıkalyq ónimder men preparattar; veterınarııaǵa ar­nalǵan dárilik preparattar óndirisi kirdi.

Qyzmettiń basym túrleriniń tiz­besi TURKISTAN AEA-da da keńeı­tildi. Nysandarǵa keshendi qyz­met kórsetý; aýmaqtardy abattandyrý qyz­met­teri; jıhaz ben ınterer zat­ta­ryn jóndeý; tamaqpen jáne sýsyn­darmen qamtamasyz etý bo­ıynsha qyz­met kórsetý; elektrondyq jáne optı­ka­lyq jabdyqtardy jóndeý; basqa toptamalarǵa engizilmegen aqparattyq tehnologııalar men júıeler salasyndaǵy ózge de qyzmet túrleri qosyldy.

Budan basqa, «Ulttyq ındýstrııalyq munaı-hımııa tehnoparki», «Aqtaý teńiz porty», «Saryarqa», «Taraz hımııalyq parki» jáne «Pavlodar» AEA-da qyzmet túrleri «Kóp beıindi aýrýhana qurylysy jáne paıdalanýǵa berý» tarmaǵymen tolyqtyryldy.

Sonymen qatar byltyr birneshe AEA aýmaǵy ulǵaıtyldy. «Saryarqa» AEA aýdany jylý elektr stansasyn jáne ferro­qorytpa men koks óndiretin zaýyttar salý úshin 345,5 ga-ǵa ósti. Qyzyljar AEA-na qaǵaz jáne qaǵaz ónimderin óndire­tin zaýyt salý úshin 15 ga qosyldy. «Astana – jańa qala» AEA 83,7 ga-ǵa ulǵaıyp, onyń aýmaǵynda temir jol mashına jasaý klasteri quryldy. Kezinde jeńildikter qurylys ındýstrııasyna qatysýshylardy qyzyqtyryp, qysqa merzim ishinde kóptegen turǵyn úıler jáne áleýmettik obektiler salyndy. Elordanyń sol jaǵalaýynda jańa ákimshilik-iskerlik jáne mádenı ortalyq quryldy.

Aıta ketelik, búgingi tańda Qa­zaqstanda 13 AEA jumys isteıdi. 2002 jyldan bastap onda 307 joba is­ke asyrylyp, 21 myńnan astam tu­raqty jumys orny ashyldy. AEA-nyń erekshe mártebesiniń nátıjesinde kásiporyndarda 30-dan astam jańa ónim túrleri, onyń ishinde optıkalyq qurylǵylar, túnde kórý aspaptary, bronetransporterler, lokomotıvter, jolaýshylar vagondary, premıým-klas­ty qubyrlar, maqta sellıýlozasy, polıpropılen jipter jáne t.b. shyǵarý jolǵa qoıyldy.

AEA qatysýshylary úshin bız­nesti memlekettik qoldaý túrinde birqatar jeńildikter jasaldy. Atap aıtqanda, rezıdentter korporatıvtik, jer jáne múlik salyǵyn tólemeıdi. AEA aýmaǵynda satylatyn taýarlar úshin qosymsha qun salyǵynyń (QQS) mólsherlemesi 0-ge teń. Jer ýchaskelerine barlyq qajetti ınfra­qurylym tartylady. Ýchaskeler AEA reji­miniń barlyq kezeńine tegin beri­ledi. Qatysýshylar jaldaý jáne jer salyǵyn tóleýden bosatyldy.

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar