Koronavırýs • 24 Qańtar, 2022

Jetisýda juqpaly indettiń ekpini qatty

42 ret kórsetildi

Jetisýda juqpaly indettiń ekpini basylmaı tur. Oblys – indet taralymy boıynsha «qyzyl aımaqta». О́tken táýlik aralyǵynda 329 adamnyń koronavırýs ınfeksııasyn juqtyrǵany anyqtaldy. 136 naýqas aýrýhanaǵa birden jatqyzylǵan. Jalpy, aımaqta 804 adam stasıonarlyq em qabyldap jatqan bolsa, 69 naýqas indetten jazylyp, emhanadan shyqqan eken.

Dert juqtyrýshylar qatary negizinen Taldyqorǵan qalasy men Qarasaı, Jambyl, Talǵar aýdandarynda ósip otyr. Bul óńirlerde táýligine 32 adamnan 43 adamǵa deıin dárigerlik kómekke júgingen eken. Al oblys aýrýhanalaryndaǵy tósektik oryndar sany 2 myń bolsa, qa­zirge deıin onyń 40 paıyzy naý­qastardy qabyldaǵan.

– О́tken úsh kúnde 5 831 adam­nyń synamalary PTR zert­hanalarynda tekserýden ótti. Aımaqtaǵy medısına uıym­darynda 17 kompıýterlik tomograf, 53 rentgen apparaty, 606 ókpeni jasandy jeldetetin qurylǵy jumys isteıdi. Ottegi stansalarymen oblystyń 17 ortalyq aýrýhanasy tolyqtaı qamtamasyz etilgen. Bul maqsatqa jergilikti bıýdjetten 818,2 mln teńge bólingen edi. Sondaı-aq ottegi konsentratorlarynyń sany 1 350 danaǵa deıin jetkizildi, – deıdi oblystyq densaýlyq saqtaý basqarmasy basshysynyń orynbasary Arman Janseńgirov.

Buǵan qosa oblysta koronavırýs pnevmonııasyn erte kezeńde anyqtaý úshin jańa sıfrly júıe engizildi. Al oblys aýrýhanalarynda jeke qor­ǵaný quraldarynyń aılyq qory jetkilikti. Osy maqsatta óńirde 1,3 mlrd teńgeni quraı­tyn turaqtandyrý qory qu­rylyp, 51 túrli dárilik zattar men medısınalyq buıymdar jetkizilgen kórinedi. Qazir juq­paly indetpen kúresýge barlyǵy 3 455 medısına qyzmetkeri ju­myldyrylyp otyr. Onyń ishinde 851 dáriger jáne 2 604 orta jáne kishi medısına mamany bar.

Aıtpaqshy, Almaty oblysynda 12 jastan asqan turǵyndardy koronavırýs ınfeksııasyna qar­sy vaksınalaý jumysy jal­ǵasýda. Búginde aımaq boıynsha 318 vaksınalaý ortalyǵy jáne 76 jyljymaly beket jumys istep tur. Sonymen qatar oblys turǵyndary revaksınalaý kýrsyna belsendi qatysýda. Mysaly, 88 722 adam tolyq ımmýndaý kýrsynan ótken. Al oblysta vaksınanyń birinshi dozasyn alǵandar sany 912 274 adamǵa jetti, bul jalpy turǵyndardyń 76 paıyzyn quraıdy. Buǵan qosa ekpeniń ekinshi komponentin 851 309 oblys turǵyny saldyrǵan, bul turǵyndardyń 71 paıyzyna jýyqtaıdy.

 

Almaty oblysy

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar