Sarkısıannyń aıtýynsha, onyń otstavkaǵa ketýi ishki jáne syrtqy saıasatqa áser etetin quraldary joqtyǵyna baılanysty.
«Uzaq oılanyp, shamamen tórt jyl belsendi jumys istegennen keıin prezıdent qyzmetinen ketemin dep sheshtim. Bul - sezimge berilgennen qabyldanǵan sheshim emes, qısyny bar sheshim. Prezıdenttiń el men ult úshin kúrdeli kezeńde ishki jáne syrtqy saıasattyń radıkaldy prosesine yqpal eterlikteı quraldary joq.
Memleketimiz úshin ulttyq birlik qajet osy kúrdeli kezeńde prezıdent ınstıtýty ósek pen qastandyq teorııalarynyń nysanyna aınalmaýy kerek. Bul qoǵam nazaryn mańyzdy máselelerden alshaqtatady», delingen memleket basshysynyń saıtynda jarııalanǵan Sarkısıan málimdemesinde.
