Aımaqtar • 24 Qańtar, 2022

Tártipsizdik kezinde zardap shekkenderge ótemaqy tólenedi

88 ret kórsetildi

Bul týraly Baqytjan Saǵyntaevtyń tóraǵalyǵymen ótken Almatynyń tynys-tirshiligin qalpyna keltirý jónindegi qalalyq shtab otyrysynda ákimniń orynbasary Ilııas О́serov habarlady, dep jazady Egemen.kz.

О́serovtiń aıtýynsha, memlekettik organdardyń, aýrýhanalar men BAQ-tyń zardap shekken 603 qyzmetkerine ótemaqy tólenedi. Onyń qatarynda 592-i quqyq qorǵaý organdarynyń qyzmetkeri, Tótenshe jaǵdaılar departamentiniń 1 qyzmetkeri, jergilikti atqarýshy organdardyń 3 qyzmetkeri, «Almaty» telearnasynyń 1 qyzmetkeri jáne medısınalyq uıymdardyń 6 qyzmetkeri bar.

Jaraqat alyp, zardap shekkenderge ótemaqy úsh sanat boıynsha beriledi. Aýyr dárejede - 2 mln teńge, ortasha dárejede – 1 mln teńge, jeńil túrde – 500 myń teńge esebinde.

Sonymen qatar TJ kezinde jumyldyrylǵan polısııa departamentiniń 3878 qyzmetkerine, Tótenshe jaǵdaılar departamentiniń 1207 qyzmetkerine, Qoǵamdyq densaýlyq basqarmasynyń 3888 qyzmetkerine, qutqarý qyzmetiniń 93 qyzmetkerine 100 myń teńge qarjylaı kómek tólenedi.

«Búgin tıisti qujattar qazynashylyqqa jiberilip, tústen keıin alǵashqy tólemder jasalady», dep atap ótti Almaty ákiminiń orynbasary.

Polısııa departamentine tıisti tergeý áreketteri aıaqtalǵannan keıin zardap shekken avtokólikterge tólemderdi qamtamasyz etý úshin shamamen 200 mln teńge mólsherinde bastapqy soma jiberiletin bolady. Qajet bolǵan jaǵdaıda bul soma kóbeıtiledi.

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar