Murzahanovtyń aıtýynsha, Buqtyrma - Qulja, Seıfýllın - Jansúgirov jáne Saın - Móńke bı jolaıryqtarynyń qurylysy jalǵasyp jatyr.
«Buqtyrma jáne Qulja jol aıryǵy boıynsha jumystar keste boıynsha júrgizilip jatyr. Qala aýmaǵy boıynsha jer ýchaskelerin satyp alý tolyǵymen aıaqtaldy. Jaqyn arada Talǵar aýdany aýmaǵynan eki ýchaske satyp alamyz. Bul máselemen Almaty oblysynyń ákimdigi aınalysady.
Keıin estakada men sezder salý boıynsha qurylys-montaj jumystaryn aıaqtaý, sol arqyly kóliktiń barlyq baǵyttarda júrýin qamtamasyz etý jospary bar. Bıylǵy jyldyń qyrkúıegine barlyq jumystardy aıaqtaý josparlanyp otyr», dedi Murzahanov.
Onyń aıtýynsha, Seıfýllın men Jansúgirov jolaıyryǵyndaǵy satyp alynǵan ýchaskelerde de jumystar júrgizilip jatyr. Jumys tolyq 2023 jyly aıaqtalady dep josparlanǵan.
«Saın men Móńke bı jolaıryǵynda daıyndyq jumystary bastaldy. Bıyl bul jolaıryǵynda da qozǵalysty ashý jospary bar, biraq jumystyń tolyq aıaqtalýy 2023 jylǵa josparlanǵan», dep túıindedi ol.
Ǵanı Murzahanov, ótken jyly Rysqulov dańǵyly men Emsov kóshesiniń qıylysyndaǵy jolaıryq qurylysy aıaqtalǵanyn eske saldy.
