«Qazaqstannyń ornyqtylyq qory» AQ basqarmasynyń sheshimimen tótenshe jaǵdaı engizý saldarynan zardap shekken qaryz alýshylardy qoldaý sharalaryn iske asyrý sheńberinde «7-20-25» jáne «Baspana hıt» ıpotekalyq baǵdarlamalarynyń klıentterine aıyppul men ósimpul eseptemeı, 2022 jyldyń 5 qańtarynan bastap 90 kúnge deıin tólemdi keıinge qaldyrý usynyldy», delingen habarlamada.
Qazaqstan qarjy naryǵyn retteý jáne damytý agenttiginiń 2022 jyldyń 10 qańtaryndaǵy buıryǵymen tótenshe jaǵdaı engizý saldarynan zardap shekken jeke jáne zańdy tulǵalardyń qaryzy boıynsha tólemderdi keıinge qaldyrýdy usyný tártibi bekitildi.
«7-20-25» jáne «Baspana hıt» ıpotekalyq baǵdarlamalary boıynsha tólemdi keıinge qaldyrý osy tártip sheńberinde qoldanylady.
Tártipke sáıkes, bankter tólemderdi 2022 jyldyń 5 qańtarynan 5 sáýirge deıingi kezeńge keıinge qaldyrýdy usynady.
Tólemdi keıinge qaldyrý qaryz alýshynyń kredıttik tarıhyna áser etpeıdi.
Tólemdi keıinge qaldyrý múmkindigin alý úshin qarjylyq jaǵdaıynyń nasharlaǵanyn rastaıtyn qujattardy qosa bere otyryp, bankke erkin túrde ótinish bildirý kerek. О́tinish elektrondy poshtanyń, bank-klıent onlaın-júıesiniń, ınternet-resýrstyń, mobıldi qosymshanyń, basqa da baılanys quraldarynyń kómegimen nemese qaryz alýshynyń bank bólimshesine kelýi arqyly beriledi.
О́tinishti qarastyrý merzimi – 10 jumys kúni.
Tólemdi keıinge qaldyrý týraly ótinish 2022 jyldyń 4 sáýirine deıin (qosa alǵanda) qabyldanady.
