Aımaqtar • 25 Qańtar, 2022

Sezimtal shlem: Oqýshylar zaǵıp jandarǵa arnalǵan bas kıim jasap shyǵardy

137 ret kórsetildi

Taldyqorǵan qalasyndaǵy Nazarbaev zııatkerlik mektebiniń oqýshylary nashar kóretin jáne zaǵıp jandarǵa arnalǵan shlem konsepsııasyn oılap tapty. Bul joba kórý qabileti buzylǵan jandarǵa keremet múmkindik beredi eken.

Izdenimpaz eki dos – Vıktor Kohno men Maksım Sýrın oılap tapqan avtonomdy shlemniń kómegimen qalada ózdiginen jáne qaýipsiz qozǵalýǵa bolady. Olar bul qurylǵy osylaısha zaǵıp adamdardyń kúndelikti ómirin aıtarlyqtaı jeńildetedi degen qorytyndyǵa keldi.

– О́zińizdi qarańǵylyqta elestetip kórińizshi, sizdiń alǵashqy áreketterińiz qandaı? Siz qaı jerde ekenińizdi túsiný úshin dybystardy tyńdaı bastaısyz. Árbir zaǵıp adam sensorǵa, dybystyq sıgnaldarǵa, jeke kómekshilerge jáne ekrannan oqý quraldaryna tikeleı táýeldi. Qazaqstanda ǵana 160 myń adamnyń kórý qabileti nashar bolsa, al Almaty oblysynyń «Zaǵıptar qoǵamynda» 1 500 adam tirkelgen eken. Demek, biz bul máseleni sheshý úshin barymyzdy salýymyz kerek. Myna shlem olarǵa aıtarlyqtaı kómek beredi, – deıdi jobany ázirleýshiniń biri Vıktor Kohno.

Oqýshylar usynǵan shlemniń qurylymy qarapaıym eken. Bas kıimde qýat túımesi, keń ekrandy kamera, bank kartasynyń kólemindeı bir taqtaly kompıýter jáne eki qulaqqap bar. Shlem arnaıy baǵdarlama arqyly avtomobılderdi, poıyzdardy, avtobýstardy, baǵdarshamdardy, jol belgilerin, velosıpedshilerdi jáne aınaladaǵy adamdardy anyqtaýǵa qabiletti. Bas kıimdi qoldanǵan zaǵıp jan baǵdarlama arqyly berilgen dybystyq habarlamany túsinip, saqtanady. Sondaı-aq Vıktor men Maksım shlemniń jumysy qol­jetimdi bolýy úshin smartfonǵa ornatylǵan «Bolashaqty kór!» arnaıy qosym­shasyn jasap shyǵarypty. Qazir bul mobıldi qoldanbada geolokasııa, aýa raıy, kompas, mýzyka, podkasttar, aýdıokitaptar sııaqty fýnksııalar jumys isteıdi eken.

Taldyqorǵan qalasyndaǵy Nazarbaev zııatkerlik mektebiniń oqý­shylary Vıktor Kohno men Maksım Sýrınniń atalǵan jobasy halyqaralyq Samsung baıqaýyna qatysyp, júzdegen jumystardyń arasynan úzdik ondyqqa enip otyr. Kompanııa jas izdenim­pazdarǵa 450 myń teńgeniń sertıfıkatyn tabystady.

 

Almaty oblysy

 

Sońǵy jańalyqtar

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Qazaqstannyń eksport kólemi artty

Ekonomıka • Búgin, 09:52

Uqsas jańalyqtar