Koronavırýs • 25 Qańtar, 2022

Almatyda karantındik shekteýler jeńildedi

105 ret kórsetildi

Almatynyń bas memlekettik sanıtarlyq dárigeri Qarlyǵash Ábdijabbarova karantındik tyıymnyń ishinara alynyp tastalǵany týraly aıtty, dep habarlaıdy Egemen.kz.

Qarlyǵash Ábdijabbarova «Ashyq» jobasy aıasynda 6-16 qańtar aralyǵynda qalada «qyzyl» mártebesi bar 270 jáne «sary» mártebesi bar tórt adam anyqtalǵanyn atap ótti.

«2021 jyldyń 9 sáýirinen bastap qazirgi ýaqytqa deıin 11 369 turǵynnyń «qyzyl» mártebesi, 1360 turǵynnyń «sary» mártebesi rastaldy», dep habarlady Bas sanıtarlyq dáriger О́ńirlik kommýnıkasııalar qyzmetinde ótken onlaın-brıfıngte.

Ol osy jyldyń 22 qańtarynda Almaty qalasy boıynsha №2 qaýlyǵa qol qoıylǵanyn, onda kelesi ózgerister engizilgenin eske saldy: konsert zaldarynyń, teatrlardyń, sırkterdiń, fılarmonııalardyń qyzmetine, konferensııalar, semınarlar, kórmeler, forýmdar, túngi klýbtar, karaoke, ujymdyq dinı joralardy ótkizýge tyıym salyndy, sondaı-aq jalpy tamaqtanýǵa kelýshiler sanyn 4 adamǵa deıin qysqartý jáne kınoteatrlardyń tolymdylyǵyn 30%-ǵa deıin qysqartý týraly talap alynyp tastaldy.

«Bul nysandardyń barlyǵy «Ashyq» aıasynda «qyzyl» aımaqtyń qoldanystaǵy krıterııleri boıynsha jumys isteıtin bolady. Mysaly, konsertter, teatrlar, kınoteatrlar, qoǵamdyq tamaqtaný, túngi klýbtar, karaokelerge - 50%-ǵa deıin 50 adamnan artyq emes, kórmelerge - 70%-ǵa deıin 200 adamnan artyq emes jınalýǵa bolady», dep túsindirdi Qarlyǵash Ábdijabbarova.

Spıker 24 qańtardan bastap balabaqshalarǵa ata-analardyń ótinishi boıynsha shtattyq formatta, jalpy bilim beretin mektepterge - 600 balaǵa deıingi kontıngenti bar 1-den 4-synypqa deıin shtattyq formatta, al 600-den astam oqýshysy bar mektepterge - 50%-ǵa shtattyq formatta jumys isteýge ruqsat etilgenin habarlady.

«Sondaı-aq mektepten tys jáne bilim berý ortalyqtarynyń shtattyq formattaǵy, JOO men kolledjderdiń aralas formattaǵy jumysyna ruqsat etildi. Vaksınasııalanǵan oqýshylarǵa mektep ákimshiliginiń qalaýy boıynsha oflaın rejımde ruqsat etiledi», dep naqtylady spıker.

Sońǵy jańalyqtar

Uqsas jańalyqtar