«Júldeli oryndarǵa ıe bolǵan olımpıadashylar men paralımpıadashylar (1-6 oryn) aqshalaı syıaqy alady. Zańda jeńip alǵan medaldarǵa sáıkes páter bólý qarastyrylǵan. Birinshi oryn úshin - 250 myń dollar, odan keıin 150, 75 myń dollar. Medal jeńip alǵan jaǵdaıda bul qarajat QR Memlekettik rezervinen tólenetin bolady», dedi Serik Jarasbaev.
Vıse-mınıstr brıfıng barysynda sportshylardyń Paralımpıadalyq oıyndarǵa daıyndyǵy týraly aıtyp berdi.
«Paralımpıadashylarǵa olımpıadashylar sııaqty kóp kóńil bólý kerek. Olımpıadashylardy shyǵaryp salý kezinde Prezıdenttiń qabyldaýynda eki paralımpıadashy boldy. Ol olarǵa sáttilik tiledi. Paralımpıada oıyndarynda bizdiń sportshylarymyz birneshe ese az, tek 4 adam: ekeýi - shańǵy tebý jáne ekeýi - bıatlonnan. Daıyndyq qyzý júrip jatyr. 5-25 aqpanda sportshylar oqý-jattyǵý jıynyna – «Alataý» shańǵy-bıatlon keshenine barady. Paralımpıada komıtetimen barlyq máseleler pysyqtaldy. Olardyń sany áldeqaıda az bolatyndyǵyn eskere otyryp, olar tezirek sheshiledi. Biz olarǵa sáttilik tileımiz», dedi ol.
