Aımaqtar • 25 Qańtar, 2022

Semeıde 150 azamat Nur Otan partııasynan shyǵýǵa ótinish bildirgen

263 ret kórsetildi

Semeıde Nur Otan partııasy atynan saılanǵan qalalyq máslıhattyń eki depýtaty partııadan shyǵýǵa ótinish bildirgen, dep jazady Egemen.kz.

Dýlat Qajmuhanbet pen Aıdos Qısamenov atalǵan partııanyń áreketsizdiginen kóńili qalǵanyn aıtyp, áleýmettik jelige jazba qaldyrǵan. Artynsha taǵy 150 azamat Nur Otan partııasynan shyǵýǵa ótinish jazǵan.

Semeıde Nur Otan partııasynyń depýtattary Dýlat Qajmuhanbet pen Aıdos Qısamenov óz erkimen ókilettikterin toqtatty. О́kildik organnan ketý týraly sheshim qabyldaýǵa ne túrtki boldy desek, eks-depýtattar partııa basshylyǵynan qoldaý taba almaǵandaryn aıtady.

Nur Otan partııasynyń ShQO boıynsha fılıaly tóraǵasynyń birinshi orynbasary Oleg Chýgýnkov partııadan shyǵyp ketken Semeıdegi qalalyq máslıhattyń eki depýtatyna qatysty pikir bildirdi.

Onyń aıtýynsha, eks eki depýtat óz mekemelerindegi qyzmetkerlerdi de partııadan shyǵaryp alýdy kózdep otyr. Shyǵyp ketken 150 adamnyń ornyna dál qazir Nur Otan partııasy qataryna 200 adam óz erkimen kirýge daıyn eken.

– Bul depýtattardyń partııalyq mansaby kezinde eshqashan óziniń azamattyq ustanymyn bildirmegenin, partııanyń birde-bir áleýmettik mańyzdy jobasyna qatyspaǵanyn, kerisinshe tek kún saıyn ózderiniń selqostyǵyn kórsetkenin atap ótkim keledi. Saıası partııa – bul ortaq saıası maqsattar men ustanymdar negizinde qurylǵan azamattardyń erikti birlestigi ekenin eske salamyn. Osylaısha, eki azamat ózderiniń ajyramas konstıtýsııalyq quqyqtaryn eki ret paıdalandy: birinshi ret partııaǵa kirgende, ekinshisi odan shyqqan kezde. Olarǵa aıtarymyz, joldary ashyq bolsyn! Biz eshkimdi kúshpen ustamaımyz, – deıdi Oleg Vasılevıch.

Kelesi aıdan bastap Nur Otan jarııa formatta partııa atynan depýtattardyń qoǵamdyq reıtıngin qalyptastyrý úshin onlaın platformany iske qospaq. Bul reıtıng máslıhattar depýtattaryn halyqpen neǵurlym tıimdi jáne turaqty ózara is-qımyl jasaýǵa yntalandyrý jáne saılaý aldyndaǵy baǵdarlamalardy iske asyrý úshin olardyń derbes jaýapkershiligin arttyrý maqsatynda qurylady.

– Nur Otan básekelestik kúres arqyly kóshbasshy partııa bolyp tabylatynyn dáleldedi. Bizdiń aldymyzda kóp jumys pen mindetter tur. Mundaı azamattardyń sheshimine alańdaýǵa ýaqyt joq. Memleket basshysy jarııalaǵan reformalardy sapaly júzege asyrý úshin partııamyz tek nyǵaıa túsetinine senimdimin, – deıdi ol.

Sondaı-aq Oleg Chýgýnkovtyń aıtýynsha, «partııa qatarynda bolǵandy unatatyn, biraq ózin onyń bir bóligi sezinbeıtin» tulǵalardan júıeli túrde tazartý jumystary jyl saıyn júrgiziledi.

Sońǵy jańalyqtar

Oraz Jandosov jańa qyzmetke taǵaıyndaldy

Taǵaıyndaý • Búgin, 14:10

Aldaǵy kúnderi aýa raıy qandaı bolady

Aýa raıy • Búgin, 11:35

Búgingi valıýta baǵamy

Qarjy • Búgin, 09:32

Elimizdiń birqatar oblysynda úsik júredi

Aýa raıy • Búgin, 09:18

Arǵymaqtar alamany

Aımaqtar • Búgin, 08:42

Azııanyń úzdigi dep tanyldy

Sport • Búgin, 08:40

Uqsas jańalyqtar