Elorda • 26 Qańtar, 2022

Bıyl elordada 8 mektep paıdalanýǵa beriledi

76 ret kórsetildi

Onyń ishinde 5 mektep bıýdjettik ınvestısııa esebinen, 3 mektep memlekettik-jekemenshik áriptestik aıasynda salynady, dep jazady Egemen.kz.

Bilim ordalarynyń qurylysy týraly jospardy Qalalyq qurylys basqarmasynyń basshysy Ársen Jańǵasqanov málimdedi.

«Bıyl bıýdjettik ınvestısııalyq joba boıynsha 5 mektep salýdy josparlap otyrmyz. Onyń ishinde Uly Dala kóshesindegi 1200 oryndyq mektep bar. Buǵan deıin de bul nysannyń «saqaldy qurylys» ekenin aıtqanmyn. Aqyry merdigerin aýystyrdyq. «Sát qurylys» kompaınıasymen kelisim-shartty buzdyq. Qurylysty «Meıir M» JShS aıaqtaıdy. Qarasaı batyr-Bulanty aýdanyndaǵy mekteptiń qurylysy júrip jatyr. Bıyl aıaqtaýdy josparlap otyrmyz. Sondaı-aq, № 65, №44 jáne №59 mektepterdiń aýmaǵyndaǵy qosymsha qurylystar bar. №65 jáne №44 mektep boıynsha konkýrs ótip jatyr, aıaqtalýǵa jaqyn. Aqpan aıynyń ortasyna qaraı merdigerler belgili bolatyn shyǵar. №59 mektep boıynsha saraptamadan ótip jatyrmyz. Munda jeke qurylys salynyp ketken. Sonyń kesirinen keshigip jatyrmyz. Búginde másele sheshildi, nysan súriledi. Qazir bul mektepte 3800 bala oqyp jatyr. Jobalyq qýaty boıynsha 2400 balaǵa arnalǵan», dedi basqarma basshysy.

Onyń málimeti boıynsha, bıyl qalada memleket-jekemenshik áriptestigi aıasynda 3 mektep salynyp bitýi kerek.

«Memleket-jekemenshik áriptestigi boıynsha salynyp jatqan Zam-Zam mektebiniń (2000 oryndyq) irgetasy quıylyp, qańqasy boı kóterdi. Bıyl paıdalanýǵa bermekshimiz. Rysqulov-Qasenov qylysyndaǵy nemese EXPO aýdanyndaǵy 2000 oryndyq mektepti de bıyl aıaqtaý josparlanǵan. Budan bólek Omarov-Muhamedhanov aýdanyndaǵy 2000 oryndyq mekteptiń jobasyn pysyqtap jatyrmyz», dedi Ársen Jańǵasqanov.

Sońǵy jańalyqtar

Uqsas jańalyqtar