Aımaqtar • 27 Qańtar, 2022

Ardagerler aqyl qosty

60 ret kórsetildi

Qyzylorda oblysynyń ákimi Gúlshara Ábdiqalyqova óńirdegi ardagerler keńesiniń múshelerimen kezdesip, pikir almasty. Koronavırýstyq shekteýlerge baılanysty júzdesýge oblystyq ardagerler keńesiniń tóraǵasy Serik Dúısenbaev, qoǵam qaıratkeri, medısına salasynyń ardageri Turǵanbaı Mahanov, memleket jáne qoǵam qaıratkeri Bıǵalı Qaıýpov shaqyryldy.

Aımaq basshysy ardagerlerdiń el birligin bekemdep, jaqsy ister uıytqysy bolyp kele jatqanyn atap ótti. Bul kezdesýdiń maqsaty alda atqarylatyn jumystardy saralap, ortaq máselelerdi aldyńǵy tolqyn ókilderimen birlesip talqylaý ekenin jetkizdi.

– Jyl basyndaǵy dúr­beleń­nen tutastyǵymyz ben eli­mizdiń bolashaǵyna balta sha­byla jaz­dady. Syndarly ke­zeńde Mem­leket basshysy jedel ári batyl sheshim qabyldap, halqymyz qaterden aman ótti. Pre­zıdent 11 qańtarda Parlament Májilisiniń otyrysynda táýelsiz memleketimizdi odan ári damytýdyń jańa min­detterin belgilep, elimizde tarıhı ózge­rister kezeńi bastalǵanyn málim­degenin bilesizder. Basty maqsat – kúsh-jigerimizdi biriktirip, qıyn­dyqtardy eńserý, qýatty jańa Qazaqstandy birlese qurý. Osy rette zııaly qaýym ókilderine, el aldynda júrgen azamattarǵa júk­teler jaýapkershilik jeńil bol­maıtyny belgili. Qaı kezde de úlkenin qurmettep, aqsaqaldardyń aıtqanyn tyńdaǵan halyqpyz. Sondyqtan birinshi kezekte ózde­rińizben keń otyryp keńesip, al­daǵy josparlarymyzdy bir­lese júzege asyrsaq degen nıet­pen jınalyp otyrmyz, – dedi G.Áb­diqalyqova.

Basqosýda medısına ardageri Turǵanbaı Mahanov sońǵy kezderi aqsaqaldar men keıingi tolqyn arasyndaǵy sabaqtastyqtyń ajy­rap ketkenin aıtyp, ulttyq qun­dylyqtardy dáripteýde Aqsa­qaldar keńesi men Jastar orta­lyǵynyń jumystaryn bir ar­naǵa toǵystyryp, jandandyrý qa­jettigin qaperge saldy. Sondaı-aq dinı turǵyda baǵytynan adasyp júrgen jastarǵa rýhanı tálim-tárbıe berý isine de jiti mán berý keregin atap ótti. Al oblystyq arda­gerler keńesiniń tóraǵasy Serik Dúısenbaev jastardyń oı-sa­nasyna áser etetin túrli aqparat­tarǵa tosqaýyl qoıyp, birlik­ke úndeıtin tanymdyq basqo­sý­lar uıymdastyrý kerek degen usy­nysyn ortaǵa saldy. Mem­leket jáne qoǵam qaıratkeri Bıǵalı Qaıý­pov tehnologııalyq ózgerister qoǵamynda ómir súre­tin jastardy ashyq áńgimege shaqyryp, naqty áreket­terge negiz­delgen bastamaǵa qol­daý bildirýde barlyq býyn daıy­n bolýy kerek degen pikir qosty.

Jıyn sońynda oblys ákimi ortaq máselelerdi birlesip sheshýde árbir usynys eskeriletinin aıtyp, zııaly qaýym ókilderin Prezıdent ustanymyna qoldaý bildirýge shaqyrdy.

 a

 

Qyzylorda oblysy

Sońǵy jańalyqtar

Esińde bolar ár kúniń

Qazaqstan • Keshe

Jemqorlyq statıstıkasy

Qazaqstan • Keshe

«Bir belgi úshin...»

Kıno • Keshe

Shynaıylyq

О́ner • Keshe

Balalyq shaqtyń aspany

Qoǵam • Keshe

Uqsas jańalyqtar