Nur-Sultan qalasynyń mamandandyrylǵan aýdanaralyq ákimshilik soty «Aqiqat» korporatıvtik zańgerler koalısııasy» QB talap-aryzy týraly is boıynsha is júrgizýdi qaıta bastaý týraly sheshim qabyldady.
Is boıynsha jaýapkerler «Nur-Sultan qalasy ákiminiń apparaty» MM jáne «Astana - Tehnopolıs» arnaıy ekonomıkalyq aımaǵynyń Basqarýshy kompanııasy» AQ bolyp tabylady.
«Qazaqstan Respýblıkasy Azamattyq is júrgizý kodeksiniń 225-baby 3-bóligi negizinde, sot osy is boıynsha qosymsha mán-jaılardy anyqtaý maqsatynda sheshim shyǵarý úshin isti qaıta qaraıdy. Máni boıynsha qaralǵannan keıin ákimshilik istiń materıaldaryn zertteý qaıta júrgiziletin bolady», dedi sýdıa Janar Dúısenova.
Sýdıa ákimdik ókili úshin sotqa usynylýy qajet qujattardy atady. Atap aıtqanda, bul egjeı-tegjeıli josparlaý jobasyna, bas josparǵa sáıkes 2012 jyldan bastap 2020 jylǵa deıin Kishi Taldykól kólderi toby kiretin jerlerdi nysanaly taǵaıyndaý týraly 2020 jylǵy jeltoqsanda shyǵarylǵan eldi meken jerlerine aýystyrý týraly qaýlyǵa qatysty málimetter.
«Astana-Tehnopolıs» AEA Basqarýshy kompanııasy SAT-NS JShS-men jasalǵan barlyq 16 qosalqy jaldaý sharttaryn, jer ýchaskelerin segmentteý týraly, osy ýchaskelerdi ıgerý kezeńderi týraly málimetterdi usynýǵa tıis.
«Is 9 aqpanda, saǵat 10:30-da tyńdalady», dedi sýdıa.
