Is sharaǵa jalpy 89 qyzmetker jumyldyrylyp, 14 ákimshilik bólikke bólingen aýmaqtar tekserilýde. Aýdan aýmaǵynda tekserilgen úılerdiń jalpy sany – 1689.
«Atalǵan shara kezinde aýdan aýmaǵynda túrli quqyq buzýshylyq jasaǵany úshin 193 adam ákimshilik jaýapkershilikke tartylyp, olarǵa qatysty ákimshilik hattama toltyryldy. Onyń ishinde masań kúıde qoǵamdyq oryndarda júrgeni úshin Saryaǵash qalasynda ornalasqan «Ýaqytsha beıimdeý jáne ýytsyzdandyrý ortalyǵyna» 40 azamat ornalastyrylǵan. Destrýktıvti dinı aǵymdaǵy tizimde turǵan 103 azamat tekserilip, onyń 5-eýine ákimshilik hattama toltyryldy. Odan bólek Saryaǵash APB Kóshi-qon qyzmeti bólimshesiniń qyzmetkerlerimen aýdan aýmaǵynda zańsyz júrgen 35 sheteldik azamat anyqtaldy. Olarǵa QR ÁQBtK-niń 517-babymen hattama toltyrylyp, aýdandyq mamandandyrylǵan ákimshilik sotyna prosessýaldyq sheshim qabyldaý úshin joldandy», dep jazylǵan Túrkistan oblysy PD taratqan habarlamada.
Atap óteıik, «Quqyqtyq tártip» jedel-profılaktıkalyq is-sharasy kezinde, patrýldik polısııa toby jáne ýchaskelik polısııa pýnkterindegi jumysty uıymdastyrýǵa jaýapty ýchaskelik polısııa ınspektorlary, qarqyndy qyzmet atqarýda.
