Máselen, oblystyq tarıhı-ólketaný mýzeıinde eliniń, qazaq halqynyń táýelsizdigi men jarqyn keleshegi úshin egeýli naızasyn qolǵa alǵan batyrlar tutynǵan, qoltańbasy qalǵan buıymdar jeterlik. Sondaı qundy buıymdardyń qatarynda «Isataı-Mahambet» ekspozısııasyna qoıylǵan qara qaıraq ta bar.
Qaıraq qara tastan jasalǵan. 1971 jyly Qyzylqoǵa aýdanynyń turǵyny Aqsánim Quttybaeva «Bul qaıraq Júzbatyr Sartov degen atama tıesili bolǵan. Ol – 1836-1838 jyldardaǵy ult-azattyq kóterilistiń basshysy Isataı Taımanulynyń týysy. Kezinde eliniń azattyǵyn ańsaǵan Isataı men Mahambet batyrlar sarbazdarymen birge osy qaıraqpen qylyshy men naızasyn, jebe ushyn qaıraǵan. Buryn qaıraqtyń uzyndyǵy 2 metrge deıin jetken», dep mýzeıge tapsyrypty.
Tarıhı tulǵalar tutynǵan qaıraqtyń uzyndyǵy edeýir qysqarǵan. Qazirgi uzyndyǵy – 46 sm, eni – 6 sm. Bir shetinde metaldan jasalǵan ilmegi bar. Eki sheti qalyńdaý bolǵanymen, ortasy sál jińishkeripti.
Atyraý oblysy
