Prezıdent • 28 Qańtar, 2022

Nur Otan jańarýdyń qozǵaýshy kúshi bolýy tıis

81 ret kórsetildi

Memleket basshysy Qasym-Jomart Toqaev Nur Otan partııasynyń kezekten tys XXI Sezinde eldiń jan-jaqty jańǵyrýynyń aýqymdy kún tártibin usyndy, dep habarlaıdy Egemen.kz.

«Men eldi jan-jaqty jańǵyrtýdyń aýqymdy kún tártibin usyndym. Nur Otan ony iske asyrýǵa belsene aralasyp, Qazaqstannyń progressıvti ózgeristeri men jańarýynyń naǵyz qozǵaýshy kúshi bolýǵa tıis», dedi Prezıdent.

Ol kún tártibine kelesi basymdyqtardy usyndy.

«Alda mynadaı basymdyqtarǵa basa nazar aýdarý mindeti tur. Birinshisi – partııa qataryndaǵy yntymaqtastyqty nyǵaıtý, qoǵamnyń barlyq syndarly kúshterin biriktirý. Partııa qataryna ár túrli qoǵamdyq-saıası toptardyń ókilderin, otandastarynyń senimine ıe naǵyz kóshbasshylardy belsendirek tartý kerek. О́kinishke oraı, biz partııada mundaı adamdardyń jetkiliksiz ekenin kórdik. Partııa memlekettik organdardyń jumysyn kóshirmeýge tıis. Memlekettik apparattyń fýnksııalary bir, partııanyń fýnksııalary múldem basqa. Nur Otan negizinen ıdeologııalyq jáne kadrlyq jumystarmen aınalysýy tıis, qajet bolǵan jaǵdaıda – memlekettik apparattyń jumysyn joldaýǵa tıis. Partııanyń odan ári ómirsheńdigi saılaý aldyndaǵy ýádelerdiń qandaı kólemde oryndalatynyna baılanysty ekenin túsiný kerek», dedi Memleket basshysy.

Sońǵy jańalyqtar

Uqsas jańalyqtar