Koronavırýs • 29 Qańtar, 2022

Qazaqstanǵa Sinopharm vaksınasynyń 2 mln dozasy jetkizildi

131 ret kórsetildi

Búgin Qazaqstannyń Qytaıdaǵy Elshiliginiń qoldaýymen Beıjińnen Almatyǵa Sinopharm (VeroCell) korporasııasy shyǵarǵan koronavırýsqa qarsy vaksınanyń kezekti partııasy keldi. Bul týraly Qazaqstanda koronavırýstyń taralýyna jol bermeý jónindegi vedomstvoaralyq komıssııadan málim etti, dep habarlaıdy Egemen.kz.

Partııa quramynda vaksınanyń 2 mln dozasy bar. Jetkizilgen dozalar QR halqyn jappaı vaksınalaýdy aıaqtaýǵa múmkindik beredi.

«Kelgen vaksına stıkerleý rásimi aıaqtalǵannan keıin, QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń úılestirýine sáıkes jedel tártippen el óńirlerine jiberiledi. Olar aldaǵy kúnderi Qazaqstan Respýblıkasynyń azamattaryna koronavırýs ınfeksııasyna qarsy vaksınalaý úshin qoljetimdi bolady.

Kovıdke qarsy preparatty Beıjiń bıologııalyq ónimder ınstıtýty ázirlegen jáne ony Dúnıejúzilik densaýlyq saqtaý uıymy osy jyldyń kókteminde maquldaǵan. Ol álemniń 45 elinde tanylǵan. Vaksına belsendi emes, eki dozaly.

Saqtaý merzimi – 24 aı. Biryńǵaı dıstrıbıýtor ımmýnobıologııalyq preparattardyń logıstıkasyn barlyq GMP jáne GDP standarttaryn, sondaı-aq «sýyq tizbekti« saqtaı otyryp júzege asyrady.

Sinopharm vaksınasynyń ereksheligi – ony jetkizý prosesi muzdatqyshty qajet etpeıdi, +2 +8 gradýs temperatýrada saqtalady jáne tasymaldanady.

Eske sala keteıik, Qazaqstan Sinopharm kompanııasynyń Beıjiń bıologııalyq ónim ınstıtýty preparatynyń 4 mln dozasyn, sondaı-aq sáýir aıynyń sońynda BAÁ-de Hayat-Vax saýda ataýymen shyǵarylǵan mıllıon dozany alǵan bolatyn.

Vaksınany tasymaldaý «sýyq tizbek« qaǵıdaty boıynsha júrgiziledi — árbir kezeńde temperatýralyq rejımdi qatań saqtaý qamtamasyz etiledi.

Sonymen qatar, ár deńgeıde – óziniń jaýapty uıymy. Vaksınalardy tasymaldaý 4 kezeńde júzege asyrylady:

  1. О́ndirýshiden Biryńǵaı dıstrıbıýtordyń habtaryna deıin;
  2. Biryńǵaı dıstrıbıýtor habtarynan óńirlerdiń densaýlyq saqtaý basqarmalarynyń qoımalaryna;
  3. О́ńirlerdiń densaýlyq saqtaý basqarmalarynyń qoımalarynan medısınalyq uıymdarǵa;
  4. Medısınalyq uıymdarda qoldanǵanǵa deıin saqtaý.



 

Sońǵy jańalyqtar

Aqtaý ákimine sógis jarııalandy

Aımaqtar • Búgin, 18:45

Almatyda eki kóshe jartylaı jabylady

Aımaqtar • Búgin, 16:48

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Uqsas jańalyqtar