«Bul adamdar materıaldyq qundylyqtarǵa qyzyqpaǵan. Olar ákimshilik ǵımarattarǵa jasalǵan shabýyldardy basqardy. Olar qylmystyq isterge, quqyq qorǵaý organdarynyń qyzmetkerlerine qatysty qujattarǵa qyzyǵýshylyq tanytty. Bul - muqııat josparlanǵan áreket. Syrttan kelgen sodyrlardy tarta otyryp, basqynshylyq áreket jasaldy. Sodyrlardyń áýejaıdy basyp alý áreketin uıymdastyrǵanyn baıqaǵan bolarsyzdar.
Qazir tergeý nátıjesi Ortalyq Azııanyń bir qalasynan kelgen azamattardyń áýejeı arqyly ótýin qamtamasyz etý úshin basyp alynǵanyn kórsetip otyr. Olar - oqytylǵan jaýyngerler. Jumysshy atyn jamylyp, shekara arqyly qalaǵa kirip, operasııany basqarǵan», dedi Toqaev «Habar 24» telearnasyna bergen suhbatynda.
