Zeınetaqy aktıvteri: kiristiligi hám ınflıasııa

2022 jyldyń 1 qańtaryndaǵy jaǵ­daı boıynsha qor salym­shy­la­ry­nyń jınaqtary 13,1 trln teńgeden asty. Bul soma zeınetaqy jarnalarynan jáne ınvestısııalyq tabystan turady. Bir jyl ishindegi ınves­tısııalyq tabys 1,4 trln teńge­ni qurady. Bul bir jyl burynǵy kórsetkishten 138,2 mlrd teńgege nemese 11 paıyzǵa kóp. Osylaısha, bas banktiń basqarýyna berilgen zeınetaqy aktıvteriniń kiristiligi 2021 jyldyń basynan beri 11,13 paıyzǵa teń boldy. Al bul aralyq­taǵy ınflıasııa 8,4 paıyzdy qurady.

Tilge tıek etip otyrǵan ınves­tı­sııalyq tabystyń quramyna ba­ǵa­ly qaǵazdar syıaqysy, qarjy qu­ral­da­ryn naryqtyq turǵydan qaıta baǵalaý, valıýtalyq qaıta baǵalaý tú­rindegi kirister jáne syrtqy bas­qa­rý­daǵy aktıvterdiń kiristeri kiredi.

Jalpy, barlyq zeınetaqy aktıv­te­ri BJZQ-ǵa biriktirilgen sát­ten bastap Ulttyq bank qamta­ma­syz etken ınvestısııalyq tabys 6,04 trln teńgege jetti. Bul rette 2022 jyldyń 1 qańtaryndaǵy jaǵdaı boıynsha jınaqtaýshy zeınetaqy júıesiniń qurylǵan kúninen bastap (1998 jyl) ınvestısııalyq kiristiligi 681,13 pa­ıyzdy, al ınflıasııa 546,77 paıyzdy quraǵan. Osylaısha, jınaqtaýshy zeınetaqy júıesi qoldanysqa engen kezden bastap 2022 jyldyń 1 qańtaryna deıingi kezeńde zeınetaqy aktıvteriniń naqty kiristiligi 134,36 paıyzǵa teń boldy.

Osy oraıda zeınetaqy jınaq­ta­rynyń uzaq merzimdi ınvestısııa­lar­ǵa jatatynyn atap ótý kerek. Sondyqtan ınvestısııalyq tabys mól­sheriniń keminde 1 jyldyq keze­ńi­n­e taldaý júrgizý oryndy. О́ıtkeni apta saıynǵy, aı saıynǵy qysqa merzimdi derekter aıqyn nátıjeni kórsetpeıdi.

Investısııalyq basqarýdyń jáne zeınetaqy aktıvterin esepke alý­dyń barlyq júıesi ashyq ekenin umyt­paǵan abzal. Árbir salymshy óziniń ınvestısııalyq tabysyn enpf.kz saıtyndaǵy nemese mobıldi qosymshadaǵy jeke kabınetten kóre alady. Al zeınetaqy aktıvterin qaı­ta baǵalaý apta saıyn jáne aıdyń soń­ǵy kúni júrgiziledi.