2021 jyldyń qyrkúıeginen bastap polısııaǵa elordanyń 280-ge jýyq turǵyny aqshalary men avtokólikterin kompanııa basshylyǵy alaıaqtyq jolmen ıemdengeni jóninde aryzdanǵan.
Bilgili bolǵandaı, JShS basshylyǵy azamattarmen avtokólikterdi naryqtan tómen baǵada 45 jumys kúnniń ishinde usyný týraly shart jasasqan. Satyp alýshylar aqshalaı qarajatty kassasyna ótkizgen. Klıentterge keltirilgen shyǵynnyń kólemi 3 mlrd teńgeden asady.
Elordalyq Polısııa departamenti alaıaqtyq faktisi boıynsha QR QK 190-baby 4-bóligi boıynsha sotqa deıingi tergeý júrgizýde.
«Sotqa deıingi tergeý barysynda alaıaqtyq jasady dep aıyptalǵan 35 jastaǵy JShS dırektory 2021 jyldyń qazan aıynan bastap tergeý organdarynan jasyrynyp, izdeýde bolǵan. Oǵan qatysty tergeý sotynyń sheshimimen «kúzetpen ustaý» bultartpaý sharasy tańdaldy.
Elordalyq polıseıler izdestirý sharalaryn júrgizý kezinde aıyptalýshy ustalyp, Aqtaý qalasynyń ýaqytsha ustaý ızolıatoryna qamaldy», dep jazylǵan habarlamada.
Tergeý amaldary júrgizilip jatyr.
