Taıland bıligi eldegi tótenshe jaǵdaıdy toqtatý týraly sheshim qabyldady

Taıland bıligi 19 naýryzdan bastap eldegi tótenshe jaǵdaı rejımin toqtatý jóninde sheshimge keldi. Bul týraly Lenta.ru habarlady. Atalǵan elde tótenshe jaǵdaı eń kem degende 30 sáýirge deıin toqtatylady. Munyń sebebin jergilikti bılik eldegi narazylyq aksııalarynyń báseńdeýimen túsindirdi. Al «The Bangkok Post» gazeti eldegi tótenshe jaǵdaıdyń toqtatylýyna bıznes ókilderiniń ótinish bildirgenin jazǵan.  Sebebi, osy eldegi turaqsyz jaǵdaı týrısterdiń  alańdaýshylyǵyn týǵyzǵan eken. Esterińizge sala keteıik, ótken jyly Taılandta narazylyq aksııalary birneshe ret boldy. Osyǵan oraı, 2014 jyldyń 22 qańtarynan bastap eldegi tynyshtyqty qalpyna keltirý úshin tótenshe jaǵdaı engizildi. Buǵan qatysty zańǵa sáıkes, azamattardyń 5 adamnan artyq top bolyp jınalýyna tyıym salyndy. Sondaı-aq, quqyq qorǵaý qyzmetkerleri jańa ókilet boıynsha kúdik keltirilgen tulǵalardan aıǵaq zat tárkilemese de, olardy qamaýǵa múmkindik aldy. Aıdar О́risbaev. Derekkóz: Lenta.ru. Foto: Lenta.ru.