Parlamentte respýblıkalyq bıýdjet týraly zańǵa ózgerister engizý máselesi qaraldy

Búgin, 19 naýryz kúni Parlament Májilisiniń kezekti jalpy otyrysy bolyp, onda 11 másele qaraldy. Sonyń ishinde keıbir zańnamalyq aktilerge áleýmettik qamsyzdandyrý máseleleri, Ulttyq qordan 2014-2016 jyldarǵa bólinetin kepildendirilgen transfert týraly zańǵa jáne oǵan ilespe 2014-2016 jyldarǵa arnalǵan respýblıkalyq bıýdjet týraly zańǵa ózgerister engizý jónindegi zań jobalary qaralyp, maquldandy. Bul týraly Egemen.kz habarlady. Depýtattardyń talqylaýǵa belsene qatysyp, qyzyǵýshylyǵyn týdyrǵandar qataryna «Jol júrisi týraly» zań jobasyna Senat engizgen ózgerister men tolyqtyrýlardy, keıbir zańnamalyq aktilerge qylmystyq jolmen alynǵan kiristerdi zańdastyrýǵa jáne terrorızmdi qarjylandyrýǵa qarsy is-qımyl máseleleri boıynsha ózgerister men tolyqtyrýlar engizý jónindegi zań jobalaryn jatqyzýǵa bolady. Sondaı-aq búgingi otyrysta birneshe halyqaralyq hattamalar men kelisimderdi ratıfıkasııalaý jónindegi zań jobalary maquldandy. Sonyń ishinde Qazaqstan men Qytaı arasyndaǵy Qorǵas ózenine «Dostyq» sý torabyn salý boıynsha yntymaqtastyq jasaý týraly kelisim bar. Eń sońǵy másele bolyp Ákimshilik quqyq buzýshylyq týraly kodekske ózgerister engizý jónindegi zań jobasy ekinshi oqylymda maquldandy. Jaqsybaı Samrat. Derekkóz: Egemen.kz. Foto: Remarka.kz.