Elorda ákimdiginde qurylys kompanııalarynyń ókilderimen nysandardy aıaqtaý máseleleri boıynsha keńes ótti.
Elorda ákimi Altaı Kólginov josyqsyz qurylys salýshylarǵa ákimdiktiń tıisti ruqsatyn alǵanǵa deıin nemese «Qazaqstan Turǵyn úı kompanııasy» AQ kepildigin alǵanǵa deıin úleskerlerdiń aqshasyn qabyldaıtyn bolsa «qara tizimge» engiziletinin, al materıaldar quqyq qorǵaý organdaryna tapsyrylatynyn eskertti.
Sol sııaqty qurylys kompanııalary ruqsat qujattaryn alǵanǵa deıin qurylys-montaj jumystaryna kirisse, lısenzııasynan aıyrylýy múmkin. Josyqsyz qurylys salýshylardyń tizimi ákimdiktiń resmı saıtynda jáne BAQ betterinde turaqty jarııalanady.
