Qarjy mınıstrligi baılyqqa salyq salý máselesi QR Ulttyq ekonomıka mınıstrligi saıtynda pysyqtalatynyn málimdedi.
«Negizinen, quny joǵary lıýks modeldi avtokólik quraldaryna, mysaly, Aston Martin, Bentley, Ferrari, Lamborghini, Maserati (belgilengen tizbe boıynsha), onyń qunyna (belgilengen shekten joǵary) jáne shyǵarylǵan jylyna qaraı kólik quraldary salyǵynyń mólsherlemelerine koeffısıentter engizý jolymen jáne tirkeý alymynyń mólsherlemesin arttyrý arqyly joǵary salyq salý máselesin qaraý usynylady. Bul rette mundaı avtokólikter boıynsha barlyq jeńildik alyp tastalýy tıis», dep túsindirdi mınıstrliktiń baspasóz qyzmeti ókilderi.
Sondaı-aq qymbat zattar retinde respýblıkalyq mańyzy bar qalalarda, oblys ortalyqtarynda, kýrorttyq aımaqtarda ornalasqan ushaqtardyń jekelegen synyptaryn, ıahtalardy jáne jyljymaıtyn múlikti qosý josparlanǵan.
Sonymen qatar aýmaqqa baılanysty, mysaly, aýdany 300 sharshy metrden asatyn páterler, turǵyn úıler, 400 sharshy metrden asatyn saıajaılarǵa baılanysty múlik salyǵyn arttyrý koeffısıentterin engizý josparlanady.
